Ministri gjerman kërkon kontrolle të rrepta kufitare brenda Schengen

Ministri i Brendshëm gjerman Horst Seehofer kërkon rikthimin e kontrolleve të rrepta kufitare brenda hapësirës Schengen për një periudhë të pacaktuar. Në një intervistë për të përjavshmen ‘Welt am Sontag’, Seehofer thotë se hapësira e përbashkët europiane e lëvizjes së lirë nuk garanton sigurinë e vendeve anëtare të unionit.

Sipas tij, kufijtë e jashtëm europianë janë krejtësisht të pasiguritë dhe kjo u pa me fluksin e refugjatëve nga vendet islamike në periudhën 2015-2016, që e bënë Gjermaninë dhe Europën më pak të sigurt. Kontrollet kufitare – sipas tij – duhet të qëndrojnë në fuqi derisa Bashkimi Europian të vendosë për forcimin e kufijve të jashtëm. Seehofer kërkoi edhe përshpejtimin e procedurave të dëbimit për azilkërkuesit të cilëve u është refuzuar leja e qëndrimit.

Deklaratat e tij kanë shkaktuar reagime mes partnerëve të koalicionit, kristiandemokratëve të kancelares Merkel dhe socialdemokratëve. Ata kritikuan kreun e socialkristianëve bavarezë për qëndrime të ngjashme me radikalët e djathtë të Alternativës për Gjermaninë, ndërsa thanë se politikat vetëizoluese nuk i shërbejnë rolit lider të Gjermanisë në Europë.

LEXO EDHE:
Moskë: 158 dronë të Kievit u rrëzuan në 15 rajone ruse

Redaksia Online
A.D/shqiptarja.com

Sondazhi i ditës:

Çfare prisni nga sesioni i ri parlamentar?

• Dialog

  20.6%

• Debat

  52%

• Nuk e di

  27.4%

Vota total: 369

Votat totale janë unike

• Sondazhi i ditës:

  Çfare prisni nga sesioni i ri parlamentar?

  Dialog Debat Nuk e di