POP 5

Lajmet më të lexuara të 5 minutave të fundit

Ekonomi

Ministri Haxhinasto me Mustafayev:
Shqipëria e hapur për projektin TAP

Zv.Kryeministri Edmond Haxhinasto, priti sot në një takim ministrin për Zhvillimin Ekonomik të Azerbajxhanit, Shahin Mustafayev. Në fokus të diskutimeve mes homologëve ishte projekti i gazsjellësit TAP, ku të dy bashkëbiseduesit u shprehën në mbështetje të tij.
Ministri Haxhinasto me Mustafayev: <br />Shqipëria e hapur për projektin TAP
TIRANE - Zv.Kryeministri dhe ministri i Ekonomisë, Tregtisë dhe Energjetikës, Edmond Haxhinasto, priti sot në një takim ministrin për Zhvillimin Ekonomik të Azerbajxhanit, Shahin Mustafayev.
Në fokus të diskutimeve mes homologëve ishte projekti i gazsjellësit Trans Adriatic Pipeline (TAP), ku të dy bashkëbiseduesit u shprehën në mbështetje të tij.

Zv.Kryeministri tha se Shqipëria mbetet e hapur që në kuadër të ndërtimit të infrastrukturave të rëndësishme të gazifikimit në vend të mirëpresë investitorët nga Azerbajxhani që kanë një ekspertizë të madhe në këtë drejtim.

“Tregu i gazit në vendin tonë ka potenciale të mëdha dhe kompanitë azere janë të mirëpritura në Shqipëri”, tha Haxhinasto.

Ndërkaq, ministri për Zhvillimin Ekonomik të Azerbajxhanit, z. Shahin Mustafayev, tha se Azerbajxhani e sheh Shqipërinë si një vend që paraqet shumë mundësi për të investuar dhe shprehu interes për investime në fusha si, energjetika, infrastruktura, bujqësia, tregtia etj.

Ministri Haxhinasto theksoi gjatë takimit se, marrëdhëniet mes Shqipërisë dhe Azerbajxhanit po zhvillohen në një klimë të përshtatshme bashkëpunimi dhe kjo vizitë do t’i shërbejë krijimit të partneriteteve të reja në sektorin ekonomik mes dy vendeve.

Haxhinastoi ftoi investitorët e Azerbajxhanit të vijnë në Shqipëri dhe të investojnë në ndërtimin e hidrocentraleve, duke përmendur se shumë shpejt do të hapet tenderi për ndërtimin e hidrocentraleve mbi kaskadën e lumit Vjosë dhe tenderi për hidrocentralin e Skavicës.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54