Ministri i Jashtëm Ferit Hoxha tha se Shqipëria nuk ka aleancë me Serbinë, por vetëm interesa. Takimeve me përfaqësues të shtetit serb, Hoxha iu përgjigj se janë me natyrë diplomatike dhe se zhvillohen në mbrojtje të interesave. Ndër të tjera Hoxha tha se Shqipëria do të bëjë çfarë mundet sa i përket dhe zgjidhjes së problemit të fundit në rajon, të konfliktit Kosovë-Serbi.

“Kryeministri ska aleancë as me Serbinë as me askënd, kemi interesa që mbrohen duke dialoguar dhe me ato që kemi qëndrime të kundërta. Në diplomaci negociojmë. Fakti që bashkëpunojmë në nivel rajonal që gjejmë mënyra për të avancuar, nuk shoh qe ka diçka për tu shqetësuar. Natyrisht që do të takohemi me serbët. Nuk ka asnjë aleancë, ka vetëm interesa që na detyrojnë të jemi sa më të qartë e bashkëpunues. Marrëdhëniet me Serbinë ngjallin emocione e ska çudi, por asnjëherë nuk shoh të reflektuar gjëkundi, a ka mundësi që Shqipëria po përpiqet të ndërtojë marrëdhënie, ndoshta kjo mund të çojë edhe në sado pak ujë në normalizimin e marrëdhënieve ne Kosovën. Duhet të zgjidhet dhe kjo çështje e fundit që është Kosova e pavarur dhe sovrane”, tha Hoxha.


Lajmi kryesor:

Ministri Hoxha: S’ka bllokim të negociatave me BE! Kritika shërbimit të jashtëm: S’na pret bota sa të pimë kafen e mëngjesit