POP 5

Lajmet më të lexuara të 5 minutave të fundit

Kosova & Rajoni

Ministri, Hoxhaj: Serbia nuk do të
guxojë të përzihet më në Kosovë

Ministri i Punëve të Jashtme, Enver Hoxhaj, në një intervistë për  gazetën gjermane “Die Welt”, ka thënë se Serbia duhet të tërhiqet nga Kosova.
PRISHTINE - Ministri i Punëve të Jashtme, Enver Hoxhaj, në një intervistë për  gazetën gjermane “Die Welt”, ka thënë se Serbia duhet të tërhiqet nga Kosova dhe se nuk guxon që në të ardhmen të përzihet më në Kosovë. Ai ka folur për zgjedhjet lokale, të cilat i ka cilësuar si një përparim i madh, duke iu referuar faktit se serbët e veriut për herë të parë kanë mundësi të integrohen në institucionet kosovare.
 
Sipas Hoxhajt, Beogradi ende nuk i ka zbatuar të gjitha pikat marrëveshjeve të arritura në Bruksel me palën kosovare dhe BE-në. “Beogradi duhet të pranojë sovranitetin dhe integritetin territorial të Kosovës. Zgjidhja mund të jetë vetëm kjo: Serbia duhet të tërhiqet nga Kosova dhe nuk guxon në të ardhmen të përzihet më”, ka shtuar Hoxhaj, shkruan Koha.
 
Sa i përket (mos)njohjes së vendit tonë nga pesë anëtare të BE-së, shefi i diplomacisë kosovare ka thënë se kjo nuk lidhet me shkaqe të drejtësisë, por më shumë ka të bëjë me çështje të brendshme të vetë këtyre vendeve.
 
“Greqia, Sllovakia, Rumania, Qipro dhe Spanja e mbështesin perspektiven evropiane të Kosovës”, ka thënë ai, duke shprehur bindjen se Kosova do të njihet dhe do të hapë ambasada në këto vende.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35