Ministri i Brendshëm i Kosovës për ish policin serb të arrestuar: Ka kryer vepra terroriste në veri të vendit

Ministri i Punëve të Brendshme të Kosovës, Xhelal Sveçla ka dhënë detaje mbi arrestimin e ish policit serb, Dejan Pantiç për të cilin sot janë organizuar bllokime rrugës nga qytetarët serbë.

Nëpërmjet një postimi në facebook, Sveçla bën me dije se Pantiç kishte organizuar sulmin policor në zyrat e KQZ-së në veri të vendit dhe se akuzohej për kryerjen e veprave terroriste dhe sulm kundër rendit kushtetues.

“I ndaluari sipas dëshmive të Policisë së Kosovës ka organizuar sulmin terrorist në zyret e KQZ-së në veri të vendit me ç'rast ishin sulmuar zyrtarët e KQZ-së dhe zyrtarët policor”, shkroi ai në Facebook.

Ai tha se grupe ekstremiste, që kanë për qëllim parandalimin e vendosjes së drejtësisë, janë organizuar në bllokim të disa rrugëve dhe ngritje të barrikadave në Leposaviç, Zveçan dhe Zubin Potok.

Lajmi kryesor:

Barrikada në rrugë e të shtëna armësh, tensionet prekin kulmin në Kosovë! Vuçiç kërcënon me futjen e ushtrisë serbe! Kurti: Përgjigjemi me gjithë forcën

B.V/Shqiptarja.com

TAG:
• tensione ne veri te kosoves
• Xhelal Sveçla