POP 5

Lajmet më të lexuara të 5 minutave të fundit

Ministri i Drejtësisë me drejtorët e burgjeve: Gradimet do kalojnë në filtrin e pastërtisë së figurës! Ku i gjejnë të burgosurit telefonat që më dërgojnë mesazh

Ministri i Drejtësisë Ulsi Manja zhvilloi sot një takim me strukturat më të larta drejtuese të Drejtorisë së Përgjithshme të Burgjeve dhe drejtuesit e institucioneve të burgjeve në të gjithë vendin. Manja bën me dije se pas një analize që kanë bërë kanë nxjerrë disa konkluzione mbi problematikat në burgje.

Ministri i Drejtësisë me drejtorët e burgjeve: Gradimet do kalojnë në filtrin e pastërtisë së figurës! Ku i gjejnë të burgosurit telefonat që më dërgojnë mesazh

Marrëdhënia mes drejtuesve, udhëzimet, aktet dhe gradimet pa kaluar në filtrin e pastërtisë së figurës janë problemet kryesore në sistemin e burgjeve, sipas ministrit të Drejtësisë, Ulsi Manja. Pas një takimi të zhvilluar me drejtuesit e burgjeve në vend, Manja tha dha si paralajmërim kallëzimet penale për abuzuesit, duke filluar nga niveli drejtues për neglizhencën e detyrës. Më tej ministri Manja njoftoi për mbylljen e objekteve që shesin pranë godinave të burgjeve apo edhe paralajmërimin për marrëdhëniet nepotike. Manja dha edhe afate për gritjen e një policie burgjesh sipas tij model, bazuar në sistemin e karrierës dhe gradave.

Statusi i plotë:

Nëse Ministrinë e Drejtësisë do e shihja si një piramidë, Drejtorinë e Përgjithshme të Burgjeve, do ta vendosja si themel dhe gurët e bazës së saj. Prandaj vëmendjen, prioritetet, por edhe kërkesën e llogarisë e kam disa fish më të lartë. Sot u përballa sy më sy me të gjithë drejtorët e IEVP-ve, së bashku me shefat e policisë përkatëse, në një analizë të gjerë, të thellë dhe me shumë fakte edhe në prani të Drejtorit të Përgjithshëm të Burgjeve dhe Drejtorit të Shërbimit të Kontrollit të Brendshëm të Burgjeve.

Tërhoqa vëmendjen për:

1) Probleme të trashëguara, por në disa raste vërejta se problemi janë vetë drejtuesit dhe marrëdhëniet mes tyre.
2) Rishikimin urgjent të udhëzimeve, apo akteve të shumë e shumë viteve përpara, të cilat bien ndesh me vizionin tonë. Urdhërova ngritjen e një grupi pune për të punuar për kuadrin rregullator nënligjor dhe çdo akt të shihet në kuadër të rregullores së re.
3) Çdo gradim, apo emërim nuk duhet të kalojë asnjë shkallë pa filtrin e pastërtisë së figurës.

Paralajmërova për:

1) Kallëzime penale të zinxhirit drejtues, deri tek abuzuesit, për punonjësit që kanë neglizhuar kryerjen e detyrës pa arsye dhe janë lejuar për këtë.
2) Mbylljen e objekteve që shesin pranë IEVP, duke nisur shumë shpejt zbatimin e strategjisë si në të gjitha vendet perëndimore. Projekti pilot nis në tre, ose katër IEVP menjëherë dhe më pas shtrihet në të gjitha IEVP.
3) Marrëdhëniet nepotike, komunikimin jo vetëm mes stafit, por edhe staf-persona në konflikt me ligjin, kujdesin e shtuar dhe rregullin për takimet pas heqjes së kufizimeve anti-covid, menaxhimin e banorëve të IEVP nëpërmjet fjalës e jo mjeteve shtrënguese.

Premtova për:   

1) Verifikimin në çdo IEVP personalisht të të gjitha ankesave të ardhura nga vetë të dënuarit në celularin tim, duke nisur me pyetjen e parë se ku e kanë gjetur celularin për komunikim.
2) Masterplanin e sistemit duke shkuar drejt mbylljes së disa IEVP dhe krijimit të strukturave të mëdha në përshtatje edhe me hartën e re gjyqësore.
3)Rikonceptimin e menaxhimit të burimeve njerëzore edhe në bazë të qendrave të banimit.

Dhashë afate për:

1) Zgjidhjen e problemit të uniformave, trajtimit financiar dhe trajtimit ushqimor për stafin.
2) Ngritjen e një policie burgjesh model, bazuar në sistemin e karrierës dhe gradave.
3) Trajtimin me prioritet maksimal të punësimit në IEVP në bashkëpunim me sistemin privat.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23