Ministri për Evropën dhe Punët e Jashtme, Igli Hasani deklaroi sot se Shqipëria do të vijojë me hapat ligjorë të parashikuar në legjislacion për marrëveshjen me Italinë, pas zbardhjes së vendimit nga Gjykata Kushtetuese.
Në një konferencë për shtyp nga Roma, ku sot u nënshkrua marrëveshja për njohjen e kontributeve shoqërore mes dy vendeve, ministri Hasani bëri të ditur se pjesë e diskutimit me homologun italian, Antonio Tajani ishte edhe rreth marrëveshjes për emigrantët.
Me Ministrin Tajani ne biseduam shumë çështje të aktualitetit. Padyshim që diskutuam edhe për marrëveshjen tjetër që kemi në dorë. Shqipëria, pas vendimit të Gjykatës Kushtetuese do të vazhdojë me hapat e veta. Ne presim zbardhjen e vendimit nga Gjykata, në mënyrë që të procedojmë dhe me ratifikimin në Kuvendin e Shqipërisë. Padyshim që strukturat shqiptare janë gati dhe do t’i përgjigjemi ritmit që do të biem dakord me palën italiane, e cila është gjithashtu në proceset e veta të miratimit të kësaj marrëveshjeje. Them se e gjithë biseda e mëngjesit të sotëm u përqendrua në çështje të rëndësishme që kanë të bëjnë jo vetëm me marrëveshjet dypalëshe, por edhe me çështjet në rajon. Ballkani Perëndimor ishte një nga pikat për të cilat ne diskutuam gjatë dhe zhvillimet në BP nuk mundet t’i lëvizen vëmendjes që dy qeveritë tona kanë. Padyshim, edhe rruga e Shqipërisë drejt BE është arsyeja tjetër që ne jemi sot këtu. Pasditen e djeshme, u angazhuam me Ministrat e Ballkanit Perëndimor dhe me grupin e Miqve të disa vendeve të BE me BP, për të krijuar klimën e nevojshme politike për të përshpejtuar mekanizmat e aderimit në BE përpara vitit 2030.
Shqipëria dhe Italia nënshkruan në nëntor të vitit të shkuar një marrëveshje për ngritjen e një qendre pritjeje në Lezhë për emigrantët që do të zbarkojnë në brigjet italiane. Më 29 janar 2024 Gjykata Kushtetuese deklaroi se marrëveshja nuk shkel Kushtetutën dhe i hapi dritën jeshile ratifikimit në kuvend
Lajme të tjera
-
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
'Riaktivizohet' marrëveshja! Gjadri do presë emigrantë 'të sigurt'
2 Nëntor, 15:25
-
Marrëveshja/ Nga e hëna rinis operacioni, emigrantët nga 'vendet e sigurta' do të akomodohen në Shqipëri
2 Nëntor, 08:05 -
Marrëveshja e emigrantëve me Shqipërinë, Meloni: Hera e parë që kam marrë kërcënime nga trafikantët! Çelësi për bllokimin e migracionit të parregullt
31 Tetor, 19:55 -
Ministri Hasani: Njohja e progresit të Shqipërisë drejt integrimit pasqyron angazhimin tonë të fortë në përparimin e reformave
30 Tetor, 17:29 -
Dekreti i Melonit për emigrantët, Gjykata e Bolonjës e çon në GJED
29 Tetor, 16:21 -
Reportazhi i 'The Telegraph': Vendi që mirëpret me krahë hapur emigrantët e padëshiruar të Italisë
28 Tetor, 11:50 -
OKB, ministri Hasani: Llogaridhënia thelbësore ndaj dhunës seksuale
26 Tetor, 09:46 -
‘Europa të gjejë modele të reja për emigrantët’, Charles Michel: Marrëveshja Itali-Shqipëri të shihet si shembull praktik
25 Tetor, 11:02
-
SHBA/ Debati në Këshillin e Sigurimit, Ministri Hasani: Më shumë mbështetje për gratë në zonat e konfliktit
25 Tetor, 09:10 -
Marrëveshja për emigrantët, Meloni: E vendosur të eci përpara, nuk do lejoj që të ‘çmontohet’ ky model! Në përputhje të plotë me ligjin
24 Tetor, 09:22 -
Emigrantët në Shqipëri, qeveria italiane ndryshon ligjin shton dhe 3 shtete në listën e vendeve të pasigurta
22 Tetor, 10:29
