Ministri i Jashtëm serb: Do të përkeqësojmë marrëdhëniet me Këshillin e Evropës nëse Kosova pranohet si vend anëtar

Ministri i Jashtëm serb: Do të përkeqësojmë marrëdhëniet me Këshillin e Evropës nëse Kosova pranohet si vend anëtar

Ministri i Jashtëm serb, Ivica Daçiç

Ministri i Jashtëm i Serbisë, Ivica Daçiç, tha sot se marrëdhëniet e Serbisë me Këshillin e Evropës mund të përkeqësohen nëse kjo organizatë pranon Kosovën si anëtare dhe se Beogradi mund të mos marrë pjesë në samitin e krerëve të qeverive të organizuar nga Islanda.

“Kam menduar se Kosova i ka siguruar kushtet për anëtarësim shumë kohë më parë, kanë dy të tretat e vendeve (të Këshillit të Evropës) që i mbështesin, por shumë vende nuk janë të kënaqura dhe nuk janë në disponim për të marrë vendime të tilla pa përfunduar dialogu mes Beogradit dhe Prishtinës sepse e dinë se kjo gjë do e dëmtonte procesin”- ka thënë Daçiç për mediat serbe.

Ai ka përsëritur se ministri i Punëve të Jashtme të Hungarisë, Peter Szijarto, me të cilin është takuar dje, ka treguar sërish se Hungaria, e cila e ka njohur Kosovën, nuk do ta mbështesë anëtarësimin e Kosovës në Këshillin e Evropës. Sa i takon qëndrimit të Serbisë ndaj vendosjes së sanksioneve kundër Rusisë, Daçiç tha se vendimi i marrë në fillim të luftës në Ukrainë, në mbledhjen e Këshillit të Sigurisë Kombëtare, është ende në fuqi.

“Çështja e vendosjes së sanksioneve është çështje e interesit tonë kombëtar dhe në atë mënyrë do të vazhdohet. Ai vendim nuk është ndërmarrë dhe as nuk mendohet të ndryshohet”, tha ai.

Ai tha se Serbia është e detyruar të mendojë për çështjen e Kosovës dhe vendosjen e sanksioneve kundër Rusisë si një çështje e vetme, sepse vendet që mbështesin integritetin territorial të Serbisë mund të ndryshojnë qëndrimin e tyre nëse Beogradi vendos sanksione kundër Moskës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 12/01/2023 11:36

    Po si mendohet ende dialog me Serbine?!! Dhe marrveshje me njohje reciproke.Kur qe sa kohe pas luftes, e deri sot qeveria dhe zyrtaret Serbe,vrapojne,brohorasin,therrasin e indskenojne gjithcka per mosnjohjen,terheqjen e njohes dhe protestojne nese Kosova mesyjne integrimin ne subjkete nderkombetare.Vertet si mund te na njeh Serbia shtet!!Jo natyrshem eshte me mendua,aq sa eshte jo natyrshem me kerkua e me thene zyrtarisht e poblikisht.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit