Ministri i Financave, Petrit Malaj dhe Ambasadorja e Zvicrës në Shqipëri, Ruth Huber, kanë nënshkruar sot një marrëveshje për mbështetje të mëtejshme teknike në sistemin e financave vendore në vendin tonë.
Marrëveshja mbështetet fazën e dytë të projektit për “Ofrimin e asistencës teknike për Forcimin e Menaxhimit të Financave Publike në Nivel Vendor në Shqipëri” dhe parashikon një fond prej 4.5 milionë euro periudhën 2024-2028, në funksion të vazhdimit të zbatimit të projektit në fjalë.
Ministri Malaj e konsideroi nënshkrimin e marrëveshjes si një hap përpara në avancimin e marrëdhënieve ekonomike dypalëshe me Qeverinë e Konfederatës Zvicerane.
Malaj shprehu bindjen zbatimi i saj do të ndihmojë qeverinë shqiptare për të vijuar garantimin e: rritjes së efikasitetit në mbledhjen e të ardhurave nga taksat dhe tarifat vendore; reformimit të buxhetit vendor, duke e bërë më eficient dhe transparent; si dhe kontrollit më të mirë të auditimit dhe raportimit financiar.
Ministri i Financave nënvizoi faktin se aktualisht bashkitë janë më të mirë strukturuara edhe sa i takon shpenzimeve, pasi pjesa më e madhe shkojnë për shërbime dhe investime publike, ndërsa qeveria ka rritur së fundmi pagat për administratën vendore, si një angazhim për një reformim akoma më të gjerë.
“Kontributi i partnerëve tanë është i rëndësishëm për ne, për më tepër sa i takon zbatimit të një reforme madhore siç është ajo e decentralizimit dhe fuqizimit të qeverisjes vendore, një prioritet i yni, pasi përmes tij garantojmë përmirësimin e shërbimeve dhe jetës së qytetarëve”, u shpreh Malaj.
Faza e parë e zbatimit të projektit ka mbështetur bashkitë në disa aspekte, ndërsa faza e dytë ka si objektiva kryesorë: përmirësimin e planifikimit strategjik dhe menaxhimit të përgjithshëm; fuqizimin e sistemeve të menaxhimit të të ardhurave vendore, me qëllim rritjen e tyre dhe kontributi për rritjen e të ardhurave të veta në bashki; ngritjen e sistemeve të efektshme për auditimin dhe raportimin financiar.
Këto objektiva, tha Ministri, janë plotësisht në përputhje me prioritet e qeverisë për modernizimin e financave publike në nivel vendor dhe për rritjen e konsolidimin e autonomisë financiare.
Nga ana e saj, Ambasadorja zvicerane Ruth Huber theksoi se marrëveshja e firmosur formalizon vazhdimin e punës së përbashkët për rritjen e cilësisë së financave publike.
“Synimi është përmirësimi i menaxhimit të financave publike, përdorimi e burimeve publike më me efiçencë, dhe përfundimisht, dhënia e shërbimeve më të mira për komunitetet vendore”, u shpreh Ambasadorja Huber.
Projekti për financat vendore mbështet 61 bashkitë në rritjen e kapaciteteve për menaxhimin e financave të cilat njihen me instrumente dhe metoda më efikase në këtë drejtim.
Gjithashtu, projekti punon me Ministrinë e Financave, Departamentin për Financat Vendore dhe drejtori të tjera, për të siguruar një koordinim dhe monitorim më të mirë të financave vendore. Financimi për projektin vjen nga Sekretariati Shtetëror i Zvicrës për Çështjet Ekonomike SECO dhe zbatohet nga Universiteti i Lucernës dhe GFA Consulting Group.
Lajme të tjera
-
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor, 15:32
-
Ministri i Financave: Brenda dhjetorit përcaktohet bonusi i pranverës për pensionistët, rishikojmë buxhetin 2024! Së shpejti të dhëna për aksionin kundër informalitetit
11 Dhjetor, 12:14 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Rivlerësimi i pasurive të paluajtshme në 2025, pas rritjes së çmimeve së referencës për rrethet!
21 Nëntor, 16:42 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Gjoba 110 mln € e Becchetit, Malaj: Përmbaruesi privat ka fondet por pret edhe pretendimet e qeverisë shqiptare, Bardhi: Javën tjetër interpelancë me Ramën
18 Nëntor, 12:47 -
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
-
Ministri Malaj te 'Ekonomia': Projektbuxheti 2025 garanton vijimin e uljes së nivelit të borxhit publik
11 Nëntor, 15:54 -
Kuvend/ Miratohet me 71 vota pro 'Buxheti faktik i vitit 2023', Bardhi: Po abuzohet me paratë e shtetit! Ministri Malaj: Buxheti i 2025 më i madhi në histori
7 Nëntor, 13:22 -
‘Aksion informalitet në të gjitha fronte’, ministri Malaj te ‘Ekonomia’: Vetëm për sigurimet bizneset kanë 234 mln euro borxh, u marrim asetet
6 Nëntor, 19:17
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
