Ministri për Komunitete dhe Kthim në Qeverinë e Kosovës dhe kryetari i Partisë Demokratike Progresive, Nenad Rashiç ka konsideruar plagosjen e dy të rinjve serbë në Shtërpcë si një tentativë të dukshme për vrasje.
Në një intervistë për mediat serbe, Rashiç tha se nuk kishte dyshime se të shtënat ndaj dy serbëve ishin bërë me qëllim vrasjen e tyre. Ai shtoi se nuk i besonte deklaratave të avokatit të ushtarit të FSK-së, Azem Kurtaj.
“Versioni në të cilën thuhet se ai u sulmua dhe u rrethua, kjo është historia e avokatit të tij dhe nuk do t’i jepja shumë peshë. Me sa di unë, nga pikëpamja juridike, nuk ka asnjë dyshim se ai ka shtënë në drejtim të fëmijës dhe djalit. Sido që ka ardhur te plagosja, nëpërmjet një rikosheti apo nga një goditje direkte, nuk është e rëndësishme në këtë pikë. Unë udhëhiqem nga ajo që shkruan në aktakuzë, se është tentim vrasje dhe kështu do të mbetet. Ajo që nuk është mjaft e qartë është gjuajtja e dytë. Edhe para kësaj ka gjuajtur në ajër. Nuk kam asnjë dyshim se i ka qëlluar qëllimisht fëmijët dhe tentoi t’i vriste”, ka thënë Rashiç.
Ai tha më tej se Lista Serbe nuk e ka lejuar që t’i vizitoj të plagosurit të cilët u trajtuan në Graqanicë.
“U gëzova shumë kur ministri më njoftoi se u arrestua autori. U ndjeva shumë mirë. Kemi një traditë të gjatë dhe të keqe të incidenteve me motive etnike dhe fatkeqësisht autorët kanë mbetur të pandëshkuar. Prandaj, mendoj se ky vit mund të jetë vit sukses i Policisë së Kosovës, sepse në një kohë kaq të shkurtër identifikoi dhe arrestoi autorin”, ka përfunduar Ministri.
Ngjarja ka ndodhur në 6 janar kur sipas mediave serbe të dy kushërinjtë Stefan Stojanoviç, 11 vjeç, dhe Millosh Stojanoviç 21 vjeç, janë qëlluar nga 33 vjeçari, Azem Kurtaj i cili është edhe anëtar i Forcave Speciale të Kosovës, teksa ishin duke ecur në anë të rrugës dhe mbanin pemën e Krishtlindjes. Politikanët vendas të Kosvoës e quajtën ngjarjen një akt të papranueshëm dhe kërkuan që drejtësia të veprojë për zbardhjen e plagosjes.
Ndërkohë reagime të shumta ka pasur edhe nga ndërkombëtarët të cilët kanë bërë thirrje për zbardhjen e plotë të ngjarjes dhe të sulmit që e quajtën “të pakuptimtë”. Nga ana tjetër një prej familjarëve të autorit, tha se Kurtaj kishte qëlluar për vetëmbrojtje pasi dy serbët i kishin bllokuar rrugën.
Komente
Lajme të tjera
-
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve
21 Prill, 19:28 -
I dërguari i Gjermanisë për Ballkanin Perëndimor: Të vazhdohen hapat për krijimin e Asociacionit
13 Prill, 09:03 -
Kosova hap drejt anëtarësimit në KiE, eksperti i sigurisë: Serbia mund të përshkallëzojë situatën, grupet kriminale po përgatiten për sulm në veri
28 Mars, 12:29 -
Forcat serbe në kufi me Kosovën, eksperti i sigurisë: FSK gati për luftë, e shporrim përgjithmonë ushtrinë e Serbisë nëse na cenon integritetin territorial
22 Mars, 14:34 -
Kurti publikon videon: Ushtria serbe pranë kufirit të Kosovës, kërkojnë të provokojnë! Serbia: 'Pushtim' imagjinar
22 Mars, 07:45 -
Rregullorja e BQK, ministri për Komunitete dhe Kthim në Kosovë: Jemi në periudhë tranzicioni
7 Shkurt, 13:02 -
Osmani takohet me ministrin çek për sulmin në Banjskë: Përpjekje e Serbisë për minim të paqes në Kosovë dhe rajon
24 Janar, 14:26 -
Diplomati slloven për situatën në Ballkan: Serbia po vazhdon bashkëpunimin me Rusinë, ka takime të rregullta me zyrtarët e Moskës
24 Janar, 10:52 -
‘Shqiptarët po bëjnë gabime historike ndaj serbëve’, ministri serb i Mbrojtjes: Shërbim i detyruar ushtarak, jo thirrje për luftë
11 Janar, 11:27 -
Lajçak: Të shpallen zgjedhjet në veri të Kosovës, jo më vonesa
31 Dhjetor 2023, 13:57 -
Drejtori i Policisë së Kosovës: Sulmet në veri të motivuara dhe orkestruara nga Serbia
28 Dhjetor 2023, 15:42 -
U vazhdohet edhe për dy muaj paraburgimi tre të dyshuarve për sulmin terrorist në Banjskë
26 Dhjetor 2023, 11:36
Nese e keni delaraten shikojeni mire, mos e ndryshoni qellimisht,sepse Rashiqin vet e keni emeruar Minister,Nuk ua solli askush.Por,nese Rashiqi ka thene drejte e mbare, pranojeni ate te thenme ashti sic ishte e sic eshte.Mos u merrni me lakadredha per te sajuar skenare te liga.
Përgjigju