VJENË - Ministri i Brendshëm Fatmir Xhafaj ka marrë pjesë në konferencën e përbashkët të Ministrave të Brendshëm të Ballkanit Perëndimor me BE-në, e organizuar nga Austria, e cila ka presidencën e radhës së BE-së. Në këtë konferencë marrin pjesë, përveç ministrave të Brendshëm ballkanikë edhe vendet pjesë e Konventës për Bashkëpunimit Policor për Evropën Juglindore (PCC SEE). Konferencën e drejtoi Ministri i Brendshëm i Austrisë Herbert Kickl, në cilësinë e kryesisë së radhës të Presidencës së BE-së.
Gjatë konferencës vendet pjesëmarrëse, firmëtare të Konventës për Bashkëpunimit Policor për Evropën Juglindore, nënshkruan “Marrëveshjen ndërmjet Vendeve Anëtare të Konventës së Bashkëpunimit Policor të Evropës Juglindore për Shkëmbimin e të dhënave të ADN-së, Daktiloskopike dhe Regjistrimit të Automjeteve dhe marrëveshjes së saj zbatuese”. Ajo bazohet tërësisht në Konventën e Prümit, mbi shkëmbimin e informacioneve për çështje të sigurisë mes vendeve të BE-së, e cila është pjesë e legjislacionit evropian.
Në fjalën e mbajtur në konferencë Ministri Xhafaj, ndër të tjera theksoi se “Konferenca është rasti i përsosur për të firmosur marrëveshjen mbi shkëmbimin e automatizuar të të dhënave të ADN-së, atyre daktiloskopike, të dhënave të regjistrimit të automjeteve, si dhe marrëveshjen zbatuese që e ndjek. Një impenjim i tillë nga ana e vendeve tona përkatëse shpreh vullnetin tonë të përbashkët për të bashkëpunuar ngushtë në fushën e sigurisë dhe drejtësisë penale”.
Duke folur mbi problemet që ndeshin sot vendet e BE-së dhe ato aspiruese për në BE, Xhafaj nënvizoi si sfida terrorizmin, emigracionin e jashtëligjshëm dhe kriminalitetin. Ministri tha se është shumë i rëndësishëm bashkëpunimi mes agjencive ligj zbatuese për t’u përballur dhe luftuar këto fenomene. “Ministria e Brendshme shqiptare ka propozuar ngritjen e një Qendre Rajonale të Bashkëpunimit Policor, me pjesëmarrjen e gjithë vendeve të Ballkanit Perëndimor. Bashkëpunimi mes nesh ka nevojë për përmirësim dhe përditësim të vazhdueshëm, ndaj nisma për një qendër të tillë ka marrë dhe mbështetjen e plotë dhe publike të Komisionerit Avramopulos,” nënvizoi Ministri Xhafaj.
Ai më tej falënderoi qeverinë austriake dhe atë gjermane për asistencën teknike e sidomos asistencën logjistike dhe ekspertizën e dhënë nga Policia Federale gjermane për Policinë e Shtetit. Xhafaj tha gjithashtu se ka pasur premtime edhe nga vende të tjera por që pritet të realizohen. Ministri i Brendshëm ftoi pjesëmarrësit në Konferencë për takimin e ardhshëm, që do të mbahet në Tiranë në datat 4 dhe 5 tetor 2018.
Lajme të tjera
-
Rusia ndërpret furnizimin me gaz për Austrinë, kancelari Nehammer: Nuk mund të shantazhohemi
15 Nëntor, 21:04 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Komisioni antikorrupsion/ Kreu i KQZ-së: Problem, financimi i partive! Ndryshuat Kodin por latë pa zgjidhur financimin
12 Nëntor, 18:19 -
Komisioni i posaçëm antikorrupsion, Xhafaj në Report Tv: Do ta ndërpresim para zgjedhjeve, të mos jetë pjesë e debatit elektoral! SPAK nuk na refuzoi, mbështes punën e tyre
8 Nëntor, 18:13 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
Austri/ Vrau një kryebashkiak, gjendet i vdekur gjahtari 56-vjeçar! Policia zbulon detajin tronditës
2 Nëntor, 17:55 -
Komisioni Antikorrupsion miraton 3 vendime: Konsultime publike, ndryshon përbërja e grupit të ekspertëve të nivelit të lartë
29 Tetor, 12:53 -
‘Aleanca kundër SPAK’, Basha: Pasi amnistuan ‘bishtat’ e korrupsionit, tani po përgatiten të amnistojnë ‘kokat’ e pandëshkuara të 34 viteve
28 Tetor, 16:32 -
Austri/ Qëllohet për vdekje një kryebashkiak, forcat speciale dhe helikopterë në kërkim të autorit
28 Tetor, 15:22 -
Komisioni Antikorrupsion, Xhafaj: Projekti ynë, jo i ndërkombëtarëve, por i kërkuam asistencë e monitorim! Gati drafti analitik
28 Tetor, 12:27 -
VIDEO/ Fillon Botërori i Skive, Lara Colturi renditet e 16-ta në botë
26 Tetor, 15:21 -
Austri, nesër nis kampionati i skive, Shqipëria përfaqësohet nga Lara Colturi! Toçi: Nesër nis aventura, duhet me patjetër të futemi në top 30
25 Tetor, 21:22
