POP 5

Lajmet më të lexuara të 5 minutave të fundit

Politikë

Ministri Xhafaj pret homologun e Austrisë, Kickl: Shqipëria, një partner të besueshëm

Ministri i Brendshëm Fatmir Xhafaj ka pritur ditën e sotme homologun e tij austriak z.Herbert Kickl. Ditën e nesërme, dy ministrat do të kryesojnë mbledhjen e përbashkët të Ministrave të Bashkimit Evropian dhe të Ballkanit Perëndimor.

Ministri i Brendshëm Fatmir Xhafaj ka pritur ditën e sotme homologun e tij austriak z.Herbert Kickl. Takimi mes tyre u zhvillua në kuadër të punimeve të Ministerialit, mes vendeve të Bashkimit Evropian dhe atyre të Ballkanit Perëndimor për Drejtësinë dhe Çështjet e Brendshme. 

Ministri i Brendshëm austriak e cilësoi Shqipërinë si një partner të besueshëm dhe shprehu gatishmërinë për një plan pune të përbashkët mes dy vendeve në fushën e sigurisë. Sipas tij, mbetet e rëndësishme që marrëveshjet e arritura mes vendeve të vihen në zbatim. 

Ndërsa në fjalën e tij, ministri Xhafaj përmendi angazhimin shqiptar për ngritjen e një Qendre Rajonale të Koordinimit Policor mes vendeve të Ballkanit Perëndimor, projekt i cili ka marrë mbështetjen zyrtare të Komisionit Evropian përmes Komisionerit Avramopulos. 

Më tej, diskutimi u ndal në hapat e ndërmarra nga Ministria e Brendshme dhe Policia e Shtetit një vit pas shpalljes së prioriteteve kyç të Qeverisë shqiptare në fushën e rendit dhe sigurisë. 

Ditën e nesërme, ministrat Xhafaj dhe Kickl do të kryesojnë mbledhjen e përbashkët të Ministrave të Bashkimit Evropian dhe të Ballkanit Perëndimor, pas të cilit do të zhvillojnë dhe një konferencë për shtyp me Komisionerin e BE-së për Migracionin dhe Kufirin, z.Dimitris Avramopoulos.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34