POP 5

Lajmet më të lexuara të 5 minutave të fundit

Kronikë

Ministria e Financave: Dëmshpërblimi
i ish-të përndjekurve nuk është bllokua

Ministria e Financave ka bërë të ditur se pagesa e kësteve për ish-të përndjekurit politikë vijon sipas përcaktimeve ligjore. Sa i takon ankesës së disa ish-të përndjekurve për mos pagesë të këstit të katërt dhe pestë sqarohet se, pagesat nuk janë realizuar për mungesë dokumentacioni. Ministria e Financave saktëson se gjatë këtij viti është paguar kësti i pestë për 904 dosje, kanë mbetur për t’u paguar edhe 1280 dosje.
Ministria e Financave ka bërë të ditur se pagesa e kësteve për ish-të përndjekurit politikë vijon sipas përcaktimeve ligjore. Sa i takon ankesës së disa ish-të përndjekurve për mos pagesë të këstit të katërt dhe pestë sqarohet se, pagesat nuk janë realizuar për mungesë dokumentacioni. Ministria e Financave saktëson se gjatë këtij viti është paguar kësti i pestë për 904 dosje, kanë mbetur për t’u paguar edhe 1280 dosje.

Njoftimi i Ministrisë së Financave

Ministria e Financave dhe Drejtoria e Pagesave dhe Dëmshpërblimeve, si struktura përgjegjëse, për shpërndarjen e vlerës së dëmshpërblimit financiar për çdo ish-të dënuar politik të regjimit komunist, si dhe trashëgimtarëve sipas përcaktimit ligjor, bëjnë të ditur se po vijon sipas përcaktimeve ligjore procesi i realizimit të shpërndarjes së dëmshpërblimit.

Deri tani janë miratuar 25 vendime të Këshillit të Ministrave “Për dëmshpërblimin financiarë të ish-të dënuarve politikë”. Fondi total i miratuar është 52,7 miliardë lekë. Numri i ish të dënuarve politikë, të cilëve u është miratuar vlera e dëmshpërblimit financiar është 13 167 ish të dënuar. Fondi i  miratuar për vitin 2015, është 2 miliardë lekë, i  realizuar deri më 31.08.2015, si vijon:  
1. Kategoria Parësore -fondi 1 400 000 000 lekë (70% e fondit të miratuar në buxhetin vjetor);
Fondi i shpërndarë      1.394.395.482 lekë;
Fondi i pashpërndarë        5.604.518 lekë.
2. Kategoria Joparësore - fondi  600 000 000 lekë (30% e fondit të miratuar në buxhetin vjetor)
Fondi i shpërndarë       151.534.965 lekë;
Fondi i pashpërndarë   448.465.035 lekë.
 
Lidhur me disa nga problematikat e shfaqura dhe ankesat e përfituesve, si ato të mospagesës së kësteve të 4-5 , për kategorinë parësore, sqarojmë se pagesat nuk janë realizuar për mungesë dokumentacioni, të përcaktuar në aktet nënligjore për përfituesit si dhe janë ende në analizë dokumentacionet e mbërritura, sipas kategorive të përcaktuara në ligj.
Ministria e Financave konfirmon se gjatë këtij viti është paguar kësti i pestë për 904 dosje, kanë mbetur për t’u paguar edhe 1280 dosje.
Sqarojmë gjithashtu se mospagesa e këstit të parë për kategorinë jo parësore dhe raste të mosshpërndarjes korrekte të vlerës së miratuar ka rezultuar mungesa e dokumentacionit të dërguar nga përfituesit, nga mosndarja korrekte e vlerës, si një problematikë e trashëguar nga pagesat e kryera në vitin 2009-2013, si dhe disa pasaktësi të kryera në këtë periudhë, të cilat po korrigjohen në pagesat e kësteve vijuese.
Ministria e Financave dhe Drejtoria e Pagesave dhe Dëmshpërblimeve kanë informuar me shkrim çdo përfitues që ka paraqitur ankesë, si dhe në faqen zyrtare të ministrisë janë publikuar çdo javë informacionet mbi dokumentacionin e mbërritur, duke bërë që të rritet numri i dosjeve me dokumentacion të plotë  për pagesë
Lidhur me mospagesat e këstit të dytë për trashëgimtarët, sqarojmë se ky proces nuk ka patur vijimësi. Një nga shkaqet ka qenë mangësia në dokumentacion. Për realizimin e pagesës së këstit të dytë për trashëgimtarët është publikuar lista e plotë e dosjeve që nuk kanë marrë këstin e dytë (janë gjithsej 2987 dosje), është publikuar informacioni mbi procedurën që do të ndiqet dhe dokumentacioni që duhet të dorëzohet, si dhe afatet ligjore për dorëzimin e dokumenteve.
Ministria e Financave vlerëson bashkëpunimin me përfituesit dhe është e vendosur në realizimin e plotë të detyrimit të saj ligjor dhe morale për shpërndarjen e vlerës së dëmshpërblimit financiar, për çdo ish- të dënuar politik të regjimit komunist, si dhe trashëgimtarëve, sipas përcaktimit ligjor.

Redaksia Online
(f.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35