TIRANE- Ministria e Financave dhe Ekonomisë ka sqaruar vonesat e pagave të disa institucioneve. Ajo sqaron se kjo ka ardhur për shkak të mosparaqitjes së urdhër -shpenzimeve nga ana e tyre. Ministria e Financave dhe Ekonomisë sqaron se Drejtoria e Përgjithshme e Thesarit ka autorizuar pagesën e pagave vetëm nëse shoqërohet së bashku me deklaratën e pagesës së sigurimeve shoqërore.
Reagimi i Plotë
Lidhur me lajmet që kanë qarkulluar në media për sa i përket vonesave te pagave të punonjësve buxhetorë sqarojmë se :
Vonesat e pagesës së pagave të disa institucioneve nuk kanë ardhur si pasojë e mosfunksionimit të sistemit të Thesarit, por për shkak të mos paraqitjes së urdhër - shpenzimeve nga ana e disa institucioneve.
Drejtoria e Përgjithshme e Thesarit është përgjegjëse për realizimin e pagesave në mënyrë të centralizuar, nëpërmjet sistemit informatik financiar të qeverisë. Për të zbatuar këtë detyrë DPTH aprovon shpenzimin në zbatim të kërkesave të kontrollit që burojnë nga aktet ligjore dhe nënligjore. Në zbatim të urdhrit të Ministrit, DPTH autorizon pagesën e pagave, vetëm nëse shoqërohet së bashku me deklaratën e pagesës së sigurimeve shoqërore.
Ministria e Financave dhe Ekonomisë është angazhuar në terma konkretë, duke realizuar një ndryshim në Udhëzimin e Zbatimit të Buxhetit 2019, përmes së cilit specifikohet se pagesat e sigurimeve shoqërore të institucioneve buxhetore do të kryhen njëkohësisht me pagesën e borderosë, dhe jo pas 20 ditëve si në parashikimin e mëparshëm.
Ndërkohë, Drejtoria e Përgjithshme e Thesarit, po në bazë të këtij Udhëzimi, siguron zbatimin me rigorozitet të këtij rregulli të ri që prej muajit Tetor 2019.
Ministria e Financave dhe Ekonomisë siguron qytetarët shqiptarë se ka ndërmarrë të gjitha masat e nevojshme, brenda hapësirave që lejon ligji, që çështje të kësaj natyre të mos cenojnë në asnjë formë ecurinë e buxhetit të shtetit dhe qëndrueshmërinë e indikatorëve bazë të ekonomisë.
Lajme të tjera
-
Nga 1 janari 2024 taksohen profesionet e lira, 15% dhe 23%! Udhëzimi, ja mënyra se si do të bëhet tatimi
21 Shtator 2023, 18:35
-
Forumi i Ministrave të Ekonomisë së Procesit të Berlinit mbahet më 26 shtator në Tiranë
18 Shtator 2023, 16:59 -
Eksportuesit takim me Ibrahimajn për rënien e euros : Humbjet për 2023 llogariten 45 mln euro, do ketë masa për stabilizim
3 Maj 2023, 15:47 -
'Doganat' për akuzat e News24: Riciklimi i sotëm i një lajmi të vjetër, është në vazhdën e presionit dhe shantazhit të hapur mediatike ndaj institucioneve
12 Dhjetor 2022, 16:23 -
Projekt-Buxheti 2023, Rithemelimi: Qeveria mendon për popullin vetëm 4 javë përpara zgjedhjeve
24 Tetor 2022, 10:08 -
Kontradikta me koston e Rrugës së Arbrit, Ministria e Financave: Vlera e investimit arrin në 219 mln euro
11 Tetor 2021, 12:14
-
Denaj: Bashkëpunimi ekonomik mes vendeve të Ballkanit Perëndimor, një hap më pranë integrimit në BE
30 Qershor 2021, 16:19 -
Grante e garanci sovrane për bizneset e vogla, gati projektligji për zhvillimin e ndërmarrjeve mikro! Për 10 vite pritet të shpenzohen 106.3 mln lekë
8 Qershor 2021, 20:05
-
Denaj në Këshillin e Investimeve: Mbështetje për të nxitur zhvillimin e ndërmarrjeve inovatore drejt një të ardhmeje digjitale
24 Mars 2021, 14:15 -
Buxhetit humbi 281,2 mln euro nga pandemia në 2020! Ministria e Financave: Rënia më e fortë te tatimi mbi fitimin dhe tatimi i të ardhurave personale
11 Shkurt 2021, 14:59
-
Denaj: Bujqësia dhe turizmi sektorët që do të vijojmë të mbështesim për të siguruar zhvillim
19 Dhjetor 2020, 16:24 -
Qeveria rishikon Buxhetin 2020/ Denaj: Fonde shtesë për pensionistët, ndihmën ekonomike, shëndetësinë, zgjedhjet dhe fusha të tjera
16 Dhjetor 2020, 15:30
