POP 5

Lajmet më të lexuara të 5 minutave të fundit

Ekonomi

Buxhetit humbi 281,2 mln euro nga pandemia në 2020! Ministria e Financave: Rënia më e fortë te tatimi mbi fitimin dhe tatimi i të ardhurave personale

Dalin të dhënat përfundimtare të të ardhurave të mbledhura në vitin 2020. Në vitin e pandemisë janë tkurrur të ardhurat me 34,7 miliardë lekë ose 281,2 milionë euro krahasuar me vitin 2019.

Pandemia COVID-19 dhe mbyllja e aktivitetit ekonomik ka dhënë ndikim tepër negativ në mbledhjen e të ardhurave. Buxheti i shtetit në vitin e pandemisë ka humbur 34,7 miliardë lekë ose 281,2 milionë euro krahasuar me vitin 2019.

Në total sipas Ministrisë së Financave janë mbledhur 425.6 miliardë lekë, nga 446,5 miliardë që u parashikua në aktin e 3 normativ duke regjistruar një rënie prej 20.9 miliardë lekësh. Por rënia e të ardhurave është më e thellë nëse i krahasojmë ato me pritshmëritë fillestare për buxhetin e 2020.

Ministria e Financave pati parashikuar që të mblidhen 509.6 miliardë lekë në vitin e kaluar, por në fakt janë arkëtuar 84 miliardë lekë ose 680,9 milionë euro më pak. Rënia më e lartë është regjistruar tek të ardhurat tatimore, të cilat u tkurrën me 7.2%.

“Të ardhurat tatimore u mblodhën 219 miliardë lekë, 17 miliardë ose 7.2% më pak se viti i kaluar”, thuhet në raportin e ministrisë së financave.

Konkretisht të ardhurat nga tatimi mbi fitimin janë ulur 22.5% si pasojë e shtyrjes së kësteve të pagesës së kësaj takse për bizneset. Ndërsa nga Tatimi mbi të ardhurat personale u mblodhën 37 mld lekë, ose 19.7% më pak se viti 2019.

Nga ana tjetër shpenzimet në vitin e kaluar u rritën me 9 % për të përballuar nevojat e krijuara nga pandemia COVID-19. Në total shpenzimet arritën në 536.3 miliardë lekë ose rreth 44.4 miliardë lekë më shumë se në vitin 2019.

Përpos kësaj rënie tek të ardhurat qeveria përsëri është optimiste për recesionin e vitit të kaluar, nga -6.1% që ishte parashikimi është ulur në -4.4%, ndërsa për këtë vit priten më shumë të ardhura dhe 5.5% rritje ekonomike.

TË ARDHURAT NË 2020

Plani                          446,5 mld lekë

U mblodhën              425.6 mld lekë

Diferenca                   -20.9 mld lekë

TË ARDHURAT

Viti 2019                460,3 mld lekë

Viti 2020                425.6 mld lekë

Diferenca                -34,7 mld lekë

PARASHIKIMET PËR 2020

Buxheti fillestar                  509.6 mld lekë

Të ardhurat reale              425.6 mld lekë

Diferenca                         - 84 mld lekë

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu