Kurator i këtij eventi të madh ndërkombëtar është zgjedhur Okuwi Enwezor, një personalitet i famshëm i artit dhe kulturës. Thirrja për aplikimet me projekt-propozimet do të qëndrojë e hapur deri më 30 shtator 2014, sipas njoftimit të MK-së.
Thirrja e Ministrisë së Kulturës për përfaqësimin e Shqipërisë në këtë eveniment bëhet për propozime kuratoriale paraqitur nga një apo më tepër kuratorë dhe ku përfshihen një apo më shumë artistë. Kuratori (ose kuratorët) dhe artisti (ose artistët) duhet të jenë bartës të një projekti të përbashkët që përfshin prodhimin e një ose më shumë veprave të reja posaçërisht për Edicionin e 56-të të Ekspozitës Ndërkombëtare të Artit në Venecia.
Ndërkohë Ministria e Kulturës do të japë të gjitha orientimet për artistët sesi duhet të aplikojnë dhe do të jetë koordinatore e të gjitha aspekteve logjistike të realizimit të Pavijonit të Shqipërisë në bashkëpunim me organizatorët e këtij eventi në Venecia.
Redaksia Online
(e.s/shqiptarja.com)
![](https://www.shqiptarja.com/template/img/sh_logo1.png)