Ministria për Europën dhe Punët e Jashtme ka njoftuar sot qytetarët shqiptarë mbi situatën e deritanishme në Republikën e Bullgarisë, ku është shpallur gjendja e jashtëzaonshme nga 13 mars deri më 13 prill për shkak të situatës nga COVID-1. Hyrja në territorin bullgar, është e mundur vetëm pas ekzaminimit të duhur mjekësor në kufi. Sipas rezultateve të ekzaminimit, qytetari do të vendoset në karantinë ose në vetëizolim
"Republika e Bullgarisë ka ndaluar përkohësisht hyrjen në territorin e saj të shtetasve, që vijnë nga Kina, Spanja, Mbretëria e Bashkuar, Franca, Gjermania, Irlanda e Veriut, Zvicra, Irani, Koreja e Jugut, Banglandeshi, India, Maldivet, Nepali dhe Sri Lanka. Nga ky ndalim, përjashtohen shtetasit që kanë leje qëndrimi në Bullgari, si dhe familjarët e tyre”, njofton ministria.
Ndërkohë, për të gjithë qytetarët, të cilët kanë qenë gjatë 14 ditëve të fundit në vende si: Austria, Belgjika, Kina, Danimarka, Franca, Gjermania, Irani, Iraku, Italia, Koreja e Jugut, Holanda, Norvegjia, Spanja dhe Suedia, është ndaluar udhëtimi i tyre nga Bullgaria për në Turqi dhe Maqedoninë e Veriut, në rrugë tokësore dhe detare. Automjetet i nënshtrohen kontrolleve në kufi dhe dezinfektohen sipas masave të vendosura. Portet detare funksionojnë në bazë të programit të zakonshëm. Shërbimi i transportit detar vazhdon të funksionojë vetëm për qëllimet e dërgesave.
![](https://shqiptarja.com/template/img/NO_ALFA_Kuadrate shqiptarja.png)
“Procesi arsimor dhe edukativ në Republikën e Bullgarisë është pezulluar që nga data 16 mars 2020. Galeritë, kinematë, palestrat dhe klubet janë të mbyllura. Restorantet, baret dhe fast food-et gjithashtu janë mbyllur për një periudhë 2 javore. Kampionati i futbollit është pezulluar deri më datë 13 prill 2020. Është pezulluar përkohësisht transporti gjatë orëve të natës. Resortet e skive në Bansko, Borovets dhe Pomporovo janë mbyllur që nga data 16 mars 2020. Të gjithë qytetarët, që vazhdojnë të punojnë në këto rrethana (në banka, zyra shërbimesh, farmaci, dyqane dhe tregje), duhet të pajisen me të gjitha mjetet e nevojshme për dezinfektim”, thekson MEPJ.
“Një person i infektuar me virus ose që mbart virusin i nënshtrohet trajtimit ose karantinës/vetëizolimit. Në rast refuzimi për respektimin e rregullave, personat do të gjobiten në vlerën 5.000 BGN (leva)”, përfundon MEPJ.
Lajmi kryesor:
Ministria e Jashtme apel shqiptarëve: Mos dilni jashtë vendit! Anuloni fluturimet! Askush nuk ndëshkohet për tejkalimin e afateve
![](https://www.shqiptarja.com/template/img/sh_logo1.png)