Ministria ruse e Mbrojtjes: Kremlini ofron evakuimin e civilëve të bllokuar në uzinën Severodonetsk

Ushtria ruse ka thënë se do të krijojë një korridor humanitar të mërkurën për të evakuuar civilët e bllokuar në fabrikën kimike Azot në qytetin e rrethuar ukrainas të Severodonetsk.

“Të udhëhequr nga parimet e humanizmit, forcat e armatosura ruse dhe formacionet e Republikës Popullore të Luhanskut janë të gatshme të organizojnë një operacion humanitar për evakuimin e civilëve”, tha sot ministria ruse e mbrojtjes.

LEXO EDHE:
Klubi evropian mbeti pa lojtarë dhe staf trajnerësh, tërhiqet nga Conference League

Civilët do të transportoheshin në rajonin separatist të Luhansk.

Ministria e Mbrojtjes e Rusisë tha gjithashtu se u kishte ofruar luftëtarëve ukrainas të strehuar në uzinën Azot mundësinë për t'u dorëzuar nesër, njoftoi agjencia e lajmeve Interfax.

Ministria tha se Ukraina i kishte kërkuar Rusisë të ngrejë një korridor evakuimi për të ndihmuar civilët të largohen nga centrali, tani që forcat ruse kanë shkatërruar të gjitha urat që lidhin Severodonetsk me territorin e kontrolluar nga ukraina.

Lajmi kryesor:

Lufta në Ukrainë/ Kievi: Rusët po përparojnë drejt Kharkivit! Zelensky kritikon vonesat e Berlinit për armët! Zelensky i kërkon perëndimit sisteme të armëve anti-raketë

E.K/Shqiptarja.com

TAG:
• rusia sulmon ukrainen
• lufta ne ukraine
• ukraine
• Rusi
• Volodymyr Zelensky