POP 5

Lajmet më të lexuara të 5 minutave të fundit

Ekonomi

Ministritë dhe Tatimet në gjyq
s' paguajnë faturat e ujit

Administrata “Berisha”, përveçse i ka lënë financat e vendit në gjendje katastrofike, nuk ka denjuar as të paguajë detyrime ndaj kompanive publike të shërbimeve.
TIRANE- Administrata “Berisha”, përveçse i ka lënë financat e vendit në gjendje katastrofike, nuk ka denjuar as të paguajë detyrime ndaj kompanive publike të shërbimeve. Në datë 4 dhjetor në Gjykatën e Shkallës së Parë janë paditur 5 institucione shtetërore nga “Ujësjellës-Kanalizime Tiranë” sh.a. për shkak se ato nuk kanë paguar shumën që i detyrohej kësaj kompanie publike shërbimi. “Ujësjellësi” ka kërkuar që organet e Drejtësisë të lëshojnë urdhra ekzekutimi, në mënyrë që shteti t’i përmbushë detyrimet financiare. Si për ironi, në listën e institucioneve që nuk kanë paguar detyrimet për ujin është edhe Ministria e Drejtësisë. Në listë ndodhet gjithashtu edhe Presidenca, institucion ky i cili është përfaqësuesi më i lartë dhe simbol i shtetit.

Lista e plotë e institucioneve të paditura në Gjykatën e Shkallës së Parë, për të paguar detyrimet ndaj ujësjellësit, janë Presidenca, Ministria e Drejtësisë, Ministria e Ekonomisë, Tregtisë dhe Enegjitikës, Ministria e Punës, Çështjeve Sociale dhe Shanseve të Barabarta dhe, për më tepër, Drejtoria e Përgjithshme e Tatimeve. Ky institucion ka për detyrë mbikqyrjen e pagesës së tatimeve dhe presupozehet të jetë model për sa u përket pagesës së detyrimeve ndaj shtetit, pasi u janë kryer shërbimet. Sikurse dëshmon edhe ky fakt, qeveria “Rama” përballet me probleme keqmenaxhimi të theksuara.

Siç e ka theksuar kryeministri Edi Rama, do të duhet kohë për të rimëkëmbur Financat publike. Nga ana tjetër ministri i Financave, Shkëlqim Cani, deklaroi se “koha kur ndërtohej sot dhe paguaje kur të doje ka ikur”. E gjithë qetësia racionale që Qeveria po tregon kundrejt kaosit financiar është një tregues pozitiv për sa i përket rimëkëmbjes së ekonomisë, e cila do të sjellë detyrimisht shlyerjen e të gjitha faturave të detyrimeve, qoftë të subjekteve private, qoftë të shtetit.
 
Qeveria do të shlyejë të gjitha detyrimet
Para pak ditësh Ministri i Financave, Shkëlqim Cani, bëri të ditur shifrën e borxhit të audituar nga kompania “Deloitte & Touche” që shteti ka ndaj sipërmarrjeve. Në këtë shifër, nuk përfshihen borxhet që qeveria u ka individëve, detyrime që bazohen në ligje, apo dhe vendime gjykatash. Kreu i Financave tha se ky dikaster është i ndërgjegjshëm se ky borxh është vetëm një pjesë e asaj që që shteti u detyrohet individëve dhe bizneseve, ndërkohë që pjesë e strategjisë është dhe zbulimi i të gjithë borxhit. Ai theksoi se strategjia për shlyerjen e borxheve përfshin pagesën e të gjitha detyrimeve, me një dorë ose edhe me këste, kjo do të varet nga marrëveshja e huasë që do të arrihet me Fondin Monetar Ndërkombëtar dhe Bankën Botërore.

faksimile
 
Shkrimi u publikua sot (07.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Po merrnin benzinë nga një kamion-cisternë i aksidentuar, 60 viktima nga shpërthimi

Po merrnin benzinë nga një kamion-cisternë i aksidentuar, 60 viktima nga shpërthimi

18 Janar, 18:51