Ministrja Denaj prezanton në Parlament 'Paketën Moneyval'

Ministrja e Financave dhe Ekonomisë, Anila Denaj, prezantoi në seancën e sotme plenare një paketë prej 5 projektligjesh, të quajtur si Paketa Moneyval.

Kjo paketë synon përmbushjen e rekomandimeve që i janë dhënë Shqipërisë nga Moneyval, Komiteti i Këshillit të Evropës për Parandalimin dhe Pastrimin e Parave dhe Luftës kundër Financimit të Terrorizmit.

Projektligjet parashikojnë ndryshime në ligjin për regjistrimin e biznesit, për procedurat tatimore, për masat kundër financimit të terrorizmit, për parandalimin e pastrimit të parave dhe financimit të terrorizmit, si dhe për administrimin e pasurive të sekuestruara e të konfiskuara.

Rekomandimet e Komitetit Moneyval lidhen me përmbushjen e disa objektivave thelbësore:

1. Parandalimi i pastrimit të parave, që burojnë kryesisht nga aktiviteti kriminal.

 2. Forcimi i luftës kundër financimit të terrorizimit.

Ministrja Denaj theksoi se këto objektiva përkthehen në siguri më të shtuar dhe rrezik më të ulët nga terrorizmi; reduktim të informalitetit në ekonomi; reduktim të përdorimit të parasë fizike; siguri të shtuar financiare dhe bankare; reduktim të ndikimit të praktikave të pastrimit të parave dhe për pasojë reduktim të efekteve negative në jetën ekonomike dhe sociale të çdo qytetari.

“Në tërësinë e saj, Paketa ligjore Moneyval, e përbërë nga këto 5 projektligje, përmbush në një kohë të shpejtë mangësitë teknike të evidentuara dhe rekomandimet të cilat konsiderohen prioritare dhe të një rëndësie të veçantë. Më tej fokusi do të jetë në një angazhim të shtuar ndër-institucional në mënyrë që të sigurohet përputhshmëri në rritje e efektivitetit në zbatimin e detyrimeve ligjore”, u shpreh Ministrja Dena

/G.M./Shqiptarja.com

TAG:
• pastrimi i parave
• anila denaj
• Paketa Moneyval