Ministrja e Turizmit dhe Mjedisit Mirela Kumbaro është pjesë e konferencës së nëntë mjedisore për Europën nga Organizata e Kombeve të Bashkuara, ku drejtoi edhe njërin prej paneleve me temë “Turizmi i Qendrueshëm dhe Ekonomia Qarkulluese”.
Në këtë konferencë, ministrat pjesëmarrës vlerësuan modelin e Shqipërisë që ka bashkuar në një portofol ministror turizmin dhe mjedisin, si përgjigja më e mirë ndaj sfidave aktuale siç janë turizmi i qëndrueshëm, mbrojtja e mjedisit dhe angazhimet kundër ndryshimeve klimatike.
“Sfidat e viteve të fundit na tregojnë se luftën për një botë më të mirë nuk e fitojnë numrat, por qëndrueshmëria, solidariteti, largpamësia e zhvillimit të qëndrueshëm. Pra, le të ndryshojmë qëndrimin tonë për të rimenduar turizmin, jo vetëm si një aktivitet udhëtimi, por si një zhvillim i qëndrueshëm që ofron kënaqësi, përgjegjësi qytetare dhe emancipim. Duhet të punojmë për zhvillimin e turizmit përmes ruajtjes së mjedisit, nga ana tjetër kemi një potencial të madh me zonat e mbrojtura për të zhvilluar ekoturizmin”, u shpreh Kumbaro në eventin që po mbahet në Nikosia të Qipros, me pjesëmarrjen e ministrave të mjedisit nga Europa.
Pjesë e diskutimit ishte edhe renditja e Shqipërisë si destinacioni me rikuperimin më të shpejtë për flukset e turistëve ndërkombëtarë sipas OBT me +19% krahasuar me vitin 2019, e njëkohësisht rritja e sipërfaqes së zonave të mbrojtura në mbi 21% të territorit.
Në fund të fjalës, Kumbaro pati edhe një kritikë për organizatorët, në lidhje me përdorimin e ajrit të kondicionuar në kushtet e krizës energjitike dhe ndryshimeve klimatike, që mori miratimin e sallës.
“A mund ta kontrollojmë pak ajrin e kondicionuar në këtë sallë, në mënyrë që të kursejmë energji, që të mbrojmë klimën nga gazet serrë, por edhe sepse është shumë ftohtë. Ky është hapi i parë, përpara se të vazhdojmë të flasim sërish për ekonominë qarkulluese dhe për turizmin e qëndrueshëm në këtë konferencë kaq interesante të UNECE”, tha Kumbaro duke marrë miratimin e sallës.
Lajme të tjera
-
'Travel and Tour World': Shqipëria, një yll në rritje në turizmin evropian
26 Nëntor, 07:38 -
Programi Albadapt për rreziqet ndaj klimës, 35 milionë euro nga qeveria gjermane! Kumbaro: Modernizim i infrastrukturës digjitale! Vengu: Të përfshijmë vullnetarët
25 Nëntor, 13:50 -
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Azerbajxhan, aktivistët protestojnë brenda konferencës së OKB-së për ndryshimet klimatike
16 Nëntor, 18:12 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
Hapen aplikimet në e-Albania për menaxhimin e stacioneve të plazhit
15 Nëntor, 14:36 -
Lufta/ Sulmet izraelite në Libanin lindor shkaktojnë 12 viktima! Jepet urdhër evakuimi në periferi të Bejrutit, pritet të goditen disa ndërtesa
15 Nëntor, 08:56 -
Komiteti i OKB-së: Metodat e luftës të Izraelit përkojnë me gjenocid
14 Nëntor, 13:57
