POP 5

Lajmet më të lexuara të 5 minutave të fundit

Referendumet ruse në Ukrainë, Shqipëria: Lëvizje e dëshpëruar e Moskës që po humb luftën! Rezistencë heroike e ukrainasve, po fitojnë

Shqipëria e ka cilësuar si ‘lëvizje të dëshpëruar’ deklaratën e presidentit rus Vladimir Putin për mobilizim të pjesshëm ushtarak në Rusi. Ministrja e Jashtme, Olta Xhaçka ka reaguar me anë të një postimi në Twitter duke thënë se lufta ilegale ka shkatërruar ushtrinë ruse ndërsa thekson se Ukraina është fituese në këtë betejë. 

Referendumet ruse në Ukrainë, Shqipëria: Lëvizje e dëshpëruar e Moskës që po humb luftën! Rezistencë heroike e ukrainasve, po fitojnë

Momente nga lufta e ushtarëve ukrainas

Shqipëria e ka cilësuar si ‘lëvizje të dëshpëruar’ deklaratën e presidentit rus Vladimir Putin për mobilizim të pjesshëm ushtarak në Rusi. Ministrja e Jashtme, Olta Xhaçka ka reaguar me anë të një postimi në Twitter duke thënë se lufta ilegale ka shkatërruar ushtrinë ruse ndërsa thekson se fitues në këtë betejë janë ukrainasit, për të cilët thotë se asgjë nuk do e dobësojë  mbështetjen ndaj rezistencës heroike.

"Referendumet e rreme dhe mobilizimet e pjesshme ushtarake janë lëvizje të dëshpëruara nga ana e Rusisë që vetëm sa do të përshkallëzojnë këtë luftë tragjike. Rusia zgjodhi të fillonte një luftë ilegale që u ka kushtuar jetën dhjetëra mijëra civilëve të pafajshëm dhe ka shkatërruar ushtrinë Ruse. Ukraina po e fiton këtë luftë dhe këto lëvizje nuk do të dobësojnë mbështetjen ndaj rezistencës heroike të Ukrainës", shkroi Xhaçka.

Reagimi i Xhaçkës vjen pasi Vladimir Putin në fjalimin e tij të parë drejtuar kombit rus, që pas fillimit të luftës në Ukrainë, shpalli mobilizim të pjesshëm ushtarak duke thënë se është shumë e nevojshme që të merren masa urgjente për të mbrojtur njerëzit në Donbas dhe për të çliruar tokat. Putin shtoi se kishte firmosur dekretin ndërsa shtoi se ushtrisë pritet t’iu bashkohen rezervistët. Gjithashtu sqaroi se edhe qytetarët që dëshirojnë të mobilizohen do të kenë statusin e forcave të armatosura. 

Më parë ka reaguar dhe ambasadori i Ukrainës në vendin tonë, Volodymyr Shkurov duke thënë se deklaratat e Putin janë të rrezikshme. Gjatë aktivitetit të organizuar në kryesinë e kuvendit për Mariupolin, një ndër qytetet më të goditura të Ukrainës, u shpreh se liderët botërorë duhet të reagojnë për të ndaluar veprimet e presidentit rus.

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Mitsotakis flet për 'Vetëvendosje' të minoritetit grek, Alban Daci: Nuk është shaka! Kanë doktrinë Vorio-Epirin! Gazetarja Esiona Konomi: Provokim politik për konsum në Athinë

Mitsotakis flet për 'Vetëvendosje' të minoritetit grek, Alban Daci: Nuk është shaka! Kanë doktrinë Vorio-Epirin! Gazetarja Esiona Konomi: Provokim politik për konsum në Athinë

18 Dhjetor, 21:32