Kampionët në fuqi të Shqipërisë, Partizani prej datës 2 janar 2024 ndodhet në Antalia të Turqisë ku po zhvillon një mini-fazë përgatitore për gjysmën e mbetur të sezonit.
Me zyrtarizimin e Orges Shehit në stolin e të kuqve, drejtuesit i kanë dhënë një mundësi trajnerit për të parë gjendjen e ekipit dhe veç stërvitjes siguruan edhe dy miqësore.
Dje, "Demat e Kuq" barazuan 1-1 me ekipin nga elita e Holandës, Volendam. Tanimë Partizani do luajë sfidën e dytë miqësore në tokën turke. Gjithçka është programuar për në datën 9 janar 2024 në orën 15:00.
![](https://shqiptarja.com/template/img/NO_ALFA_Kuadrate shqiptarja.png)
Nëse të kuqve më herët njoftuan se do luanin me Neftchi Baku, kundërshtari është ndërruar dhe Partizani do masë forcat me rumunët e Universitatea Cluj.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)