Nuk mund t’i numëroj sa mesazhe kam lexuar në 4 vjet që unë të ftoj Parashqevi Simakun.
Nëse ka pasur një njeri që do kisha bërë çdo sakrificë për ta intervistuar, ajo ka qenë Parashqevia.
Jam rritur në vitet ‘80, fiks në momentin e shkëlqimit të Parashqevisë që ishte ëndrra e burrave, modeli i grave, muza e një shoqërie. Sepse Parashqevia kishte edhe bukurinë, edhe talentin dhe sot e kësaj dite nuk gjejmë dot një këngëtare që të ketë atë lloj bukurie qëkur hap gojën.
Parashqevia iku në Amerikë menjëherë pas rënies së komunizmit. Ambicioze për të kapur Hollivudin. Në intervistën e saj të parë ajo u shfaq edhe më e sofistikuar dhe gati për të prekur ëndrrën e saj.
Jam përpjekur ta kërkoj. Përgjigjja që kam marrë është se ishte kthyer në endacake. Kam refuzuar ta besoj.
Se çfarë ka ndodhur me yllin shqiptar që ka përfunduar e braktisur është një pyetje shumëmilionëshe.
Zhgënjimi nga ëndrra amerikane apo diçka tjetër?
Çfarë i ka ndodhur Parashqevisë që duroi komunizmin, i mbijetoi presionit dhe epshit të burrave të atyre viteve dhe asaj Parashqevisë që u shfaq me peliçe dhe në një vilë buzë oxhakut në Amerikë?
Çfarë mund të ketë ndodhur me njeriun që shqiptarët do të paguanin gjithmonë për ta dëgjuar tek këndon?
Janë pyetje retorike.
Por sot do doja të bëhemi shumë e ta shpëtojmë Parashqevinë, gjithmonë nëse jemi ende në kohë, që ajo të pranojë të shpëtohet.
Ambasada shqiptare në SHBA mundet të kërkojë informacion dhe shteti shqiptar duhet të bëjë diçka për një artiste, ashtu siç për shumë artistë ka lidhur pension të posaçëm. Detyrimi moral që i kemi njerëzve të artit që të mos poshtërohen. Detyrimi që i kemi çdo njeriu që të ketë një pleqëri me dinjitet, në fakt.
Nëse familjarët e kanë braktisur, Parashqevinë duhet ta shpëtojmë ne, si shtet e si shoqëri, sepse po, fatet janë individuale edhe Parashqevia i përket Amerikës, se është qytetare atje mbi 30 vjet, por mbetet e Shqipërisë e kjo s'e bën atë të huaj dhe as e zvogëlon përgjegjësinë morale për një shqiptare që në kohën e vet i dha popullit të vet muzikë, bukuri, ëndërr.
Komente
Lajme të tjera
-
Nga lajmet për divorc, tek rikthimi në Tiranë pas 5 vitesh: Rrëfehet Anjeza Shahini
1 Maj 2023, 20:28
-
Mira Kazhani për vrasjet e Dan Hutrës: Në një shoqëri të bigbrotherizuar, këto do të ndodhin
2 Mars 2023, 10:33
-
Komshinjtë që s’i njohim më, që denoncojnë për zhurmë kur ndërtohet një banjo dhe heshtin kur plas dhuna
19 Nëntor 2021, 10:30
-
Reflektim pas letrës së shqetësuar të një ambasadori
8 Qershor 2021, 11:04
-
Fundi pa nder dhe dinjitet, i Sali Berishës!
21 Maj 2021, 09:34
-
Ç’vjen pas non grata?
20 Maj 2021, 10:41
-
Debati/ Mira Kazhani i kthehet ashpër Blendi Fevziut: Vila dhe miliona euro, je fytyra e vërtetë e korrupsionit në shtypin shqiptar
6 Maj 2020, 14:33 -
E di që e vërteta s’pi ujë, por një përgjigje për kë do ende t’ia dijë
2 Maj 2020, 18:55
-
Për Italinë, gjithmonë PO!
30 Mars 2020, 09:50
Jep ti nese ke deshire nga rroga jote. Shqiptaret kane halle pa fund, shume vuajne per buken e gojes, pa ndihma e pa pension.
PërgjigjuBravo Mira per kete artikull. Shpresoj te mos bjere ne vesh te shurdher e vertet te ndermerret nje nisme per ti ardhur ne ndihme.
Përgjigju"Tani" qenka bo per t'i qare hallin..sa gjynah.