Miratimi i Hartës së re Gjyqësore, ambasada amerikane e mirëpret: KLGJ përmbushi detyrimet

Ambasada Amerikane  ka mirëpritur miratimin nga Këshilli i Ministrave të hartës së re gjyqësore sot. Sipas ambasadës KLGJ përmbushi detyrimet e saj me këtë hartë, përmes një procesi gjithëpërfshirës, me konsultime të gjera dhe marrjen në shqyrtim të shqetësimeve nga palët.

 “Mirëpresim miratimin nga Këshilli i Ministrave të hartës së re gjyqësore sot. Harta e gjykatave të Shqipërisë u hartua nga Këshilli i Lartë Gjyqësor nëpërmjet një procesi që përfshiu Ministrinë e Drejtësisë dhe aktorë të tjerë, si dhe ndihmë teknike nga qeveria e Shteteve të Bashkuara, Bashkimi Evropian dhe Këshilli i Evropës. Marrëveshja për hartën, e cila pasoi konsultime të gjera dhe marrjen në shqyrtim të shqetësimeve nga palët e interesuara si pjesë e procesit tre-vjeçar, përfaqëson një shembull të mirë të bashkëpunimit ndërmjet institucioneve të pavarura. Këshilli i Lartë Gjyqësor ka përmbushur me sukses detyrimin e tij ligjor për të garantuar rregullisht që sistemi i gjykatave është gati për të siguruar performancë te efektshme”, thuhet në reagimin e ambasadës amerikane.

LEXO EDHE:
Ulsi Manja: Politikë riintegruese për të dënuarit e të paraburgosurit

Kujtojmë se qeveria shqiptare ka miratuar sot Hartën e re Gjyqësore. Ashtu siç kishte paralajmëruar harta e re është miratuar, pa marrë parasysh bojkotin e avokatëve që vazhdon prej disa javësh. 13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht vendimi i Këshillit të Ministrave për hartën e re gjyqësore në vend. Lajmin për këtë vendim e ka dhënë ministri i Drejtësisë Ulsi Manja.

Lajmi kryesor:

Qeveria miraton Hartën e re Gjyqësore, shkurtimi i gjykatave fillon nga shkurti i vitit të ardhshëm! Avokatët: Do ta çojmë në 'Kushtetuese'

K.T./Shqiptarja.com

TAG:
• ULSI MANJA
• harta gjyqesore
• keshilli i ministrave
• sistemi i drejtesise