POP 5

Lajmet më të lexuara të 5 minutave të fundit

Ekonomi

Miratohet projektligji për faljen e
gjobave nga marsi në gusht 2013

Në mbledhjen e sotme të Qeverisë, Këshilli i Ministrave miratoi projektligjin për faljen e dënimeve administrative në formën e gjobave tatimore, të vëna në bazë të kontrolleve dhe verifikimeve tatimore të kryera për periudhën 1 mars deri më 31 gusht 2013.
Miratohet projektligji për faljen e<br />gjobave nga marsi në gusht 2013
TIRANE- Në mbledhjen e sotme të Qeverisë, Këshilli i Ministrave miratoi projektligjin për faljen e dënimeve administrative në formën e gjobave tatimore, të vëna në bazë të kontrolleve dhe verifikimeve tatimore të kryera për periudhën 1 mars deri më 31 gusht 2013. Ky projektligj vjen në kuadrin e premtimit elektoral të Partisë Socialiste gjatë fushatës zgjedhore. Fshirja e dënimeve të Administratës Tatimore (gjoba) nga sistemi do të kryhet brenda 5 muajve, që nga momenti i hyrjes në fuqi të këtij projektligji. Përgjegjëse për këtë do të jetë Administrata Tatimore, e cila do të pasqyrojë këtë procedurë edhe në regjistrat e saj.
 
Falja e gjobave
Janë 3 raste të parashikuara, në këtë projektligj, për faljen e gjobave tatimore. Së pari, falen gjobat e vendosura si pjesë e detyrimit tatimor, që janë të evidentuara sipas datës së nxjerrjes së njoftimvlerësimit (akti administrativ) ose të kontabilizuara në regjistrat e administratës tatimore gjatë periudhës 1 mars deri më 31 gusht 2013, ndaj tatimpaguesve, persona juridikë apo persona fizikë, të regjistruar në administratat tatimore.

 Së dyti, falen gjobat e vendosura që janë evidentuar sipas këtij projektligji, të cilat, në momentin e hyrjes në fuqi së tij, janë ankimuar dhe janë në proces ankimimi administrativ apo në proces gjyqësor. Së treti, të gjithë tatimpaguesit që janë dënuar me gjobë administrative për punonjës të padeklaruar apo të deklaruar me vonesë, për mosinstalim të pajisjeve fiskale apo moslëshim të kuponit tatimor ose moslëshim të biletave, u falen shumat e gjobave të vendosura, për periudhën 1 mars deri më 31 gusht 2013.  
 
Rimbursimi
Sipas radhës së datës së pagesës së bërë, subjekteve që kanë bërë pagesat e gjobave, të përcaktuara në këtë projektligj, u rimbursohen në masën 100% shumat e paguara të gjobave.
 
Përjashtimet
Falja e gjobave tatimore nuk do të thotë falja e masave të tatimit. Në këtë projektligj nuk parashikohet falja e detyrimeve tatimore gjatë periudhës 1 Mars 2013 e deri më 1 Gusht 2013. Pagesa e tatimeve do të zbatohet sipas përcaktimit të legjislacionit që rregullon pagesën e tatimeve. Gjithashtu, edhe gjobat tatimore të regjistruara automatikisht nga sistemi i tatimeve për shkak të shkeljeve të dispozitave të Ligjit Nr. 9920, datë 19.05.2008, “Për Procedurat Tatimore në republikën e Shqipërisë” të ndryshuar, nuk do të falen.
 
Shkrimi u publikua sot (06.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni