POP 5

Lajmet më të lexuara të 5 minutave të fundit

Kultura

Mirditë/ Shembet Kulla e Abat Preng Doçit, monument kulture, bashkia thirrje ministrisë: Duhet restauruar

Kulla e Abat Preng Doçit me histori 200 vjeçare në  Rubik të Mirditës është shembur pjesërisht dhe rrezikon rënien totale. Në vitin 2015 kjo kullë është  shpallur monument kulture, por pavarësish statusit ajo është lënë në harresë.  Bashkia Mirditë përmes Report tv kërkon ndërhyrje urgjence nga Ministria e Ekonomisë, Kulturës dhe Inovacionit.  

Kulla dykatëshe ku ka lindur Abat Preng Doçit, me histori 200 vjeçare në Rubik të Mirditës, po shembet plotësisht, muri në anën lindore ka rënë e ndërsa i gjithë objekti, ka pësuar dëmtime të shumta, duke rrezikuar seriozisht ekzistencën e saj.

Juljan Vlashi, drejtor i Trashëgimisë Kulturore në Bashkinë e Mirditës  thotë se kulla me shumë vlera historike për Mirditën po humbet për shkak të dëmtimeve të shumta.

Kohët e fundit gjendja e kësaj kulle është përkeqësuar, muri në pjesën lindore ka pësuar shembje masive, siç shihet ne pamjet e Report Tv. Shqetësimi i është përcjellë Ministrisë së Ekonomisë, Kulturës dhe Inovacionit, por nuk ka ndërhyrë për restaurimin e saj.

Bashkia Mirditë i bën thirrje Ministrisë të ndërhyjë për shpëtimin e këtij objekti me vlera historike. Vlashi thekson se zyrtarisht i ka përcjellë problematikën institucioneve përgjegjëse, por deri tani nuk ka asnjë reagim.

Abat Preng Doçi është një ndër personalitetet më të rëndësishme të Rilindjes dhe i fillimit të shek. XX, i cili ka luajtur një rol madhor në disa nga momentet më vendimtare të zhvillimeve politike e kulturore, e posaçërisht të gjuhës e letërsisë shqipe. Bashkëpunëtor i De Radës dhe Kamardës, ai njihet si mendimtar, poet, publicist, veprimtar politik e kulturor, themelues i shoqërisë kulturore “Bashkimi”.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Mbrojtësi i Kombëtares 90 minuta në fushë, ekipi i tij mposht Ajaxin në Europa League

Mbrojtësi i Kombëtares 90 minuta në fushë, ekipi i tij mposht Ajaxin në Europa League

24 Janar, 09:35