Miriam Cani në Facebook: “Nuk jam shtatzënë”

Prej disa ditësh në media ka qarkulluar lajmi se këngëtarja e njohur shqiptare Miriam Cani është shtatzënë. Megjithatë në ato momente nga këngëtarja apo nga partneri i saj Alban Skënderaj nuk ka patur një konfirmim apo mohim të këtij lajmi.

Por mesa duket vetë Miriam Cani nuk ka dashur të vijojnë spekulimet lidhur me këtë lajm, duke postuar në faqen e saj në Facebook të vërtetën për shtatzëninë e saj.



“Të dashur miq
Pasi telefoni më ka rënë pa pushim këto 3 ditë dhe më kanë ardhur emaile të shumta në lidhje me informacionin që unë qenkam shtatëzënë dua t’ju them, që ky lajm nuk është i vërtetë.
Kam postuar në faqen time disa herë foto me fëmij, sepse më janë dukur shumë të bukura, por aspak duke i lidhur personalisht. Unë fëmijët i adhuroj me shpirt dhe kam patur gjithmonë një raporte shumë të vecantë me ta dhe sëshpejti do të vij momenti që Albani edhe unë do të plotësohemi si familje..
Poooor ky moment ende nuk ka ardhur :)
Kur të vij, do t’ja u bejë të ditur :*
Faleminderit
Miriam”- ka shkruar këngëtarja në rrjetin social.

 

Këto kohë ajo është duke u përgatitur për finalen e kompeticionit “ The Voice of Albania 2”, ku ajo është një nga pjesëtaret e jurisë së bashku me Alma Bektashin, Elton Dedën dhe Sidrit Bejlerin.

(xh.k/shqiptarja.com)