Aktor i jashtëzakonshëm! Aktor me dimensione të tilla i ka të rrallë bota. Luante me sukses komiken dramatiken e tragjiken!” Kështu do ta kujtojnë miqtë e tij aktorë Mirush Kabashin, i cili u nda sot nga jeta në moshën 75 vjeçare.
Për të rinjtë që i hyjnë botës së artit, Mirush Kabashi është shembull që duhet ndjekur.
Në një intervistë për Report Tv aktori i njohur Bujar Asqeriu thotë se ndarja nga jeta e Mirush Kabashit është një humbje e madhe për të gjithë dhe teatrin.
‘Humbëm një artist të madh që me punë la gjurmë të mëdha në artin teatral dhe kinematografik. Një humbje e madhe për të gjithë. Ishte aktor i rrallë tragjiko komik. Me figurën e Sokratit na nderoi në arenën ndërkombëtare”
Më pas aty në poezi ku Mirush Kabashi ishte ’mbret’
“Në poezi ishte mbret. E dashuronte poezinë në mënyrë të mahnitshme. Unë që rrija shumë kohë me të. Në çdo event që shkonim ai merrte dhe diskun e muzikës që do të shoqëronte me të. Vargjet e Ali Asllanit. Mitrush Kutelit, Ali Podrimës tingëllonin në mënyrë magjike në gojën e tij” tha Asqeriu për emisionin "Sot live në Shqipëri" në Report Tv.
Mirush Kabashi dhe Bujar Asqeriu në filmin Radiostacioni 1979
‘Ishte një nga aktorët e rrallë dhe shembull si duhej punuar!’ Kështu do ta kujtojë aktorin e njohur Mirush Kabashi, Vasjan Lami
“E imagjinoja edhe 100 vjeç e të luante. Të kishe atë aktor, ishte jashtëzakonisht komod, pozitivitetin e shembullin e vet e induktonte në grup. Ishte aktor karakteri që rrallë gjendet. Janë të rrallë aktorët që qoftë dhe për batuta teke mbahen mend në breza. Kishte humor elegant. Nuk ka qenë aktor tavolinash. Atë çfarë jipte e jipte me elegancë dhe ishte gjithmonë i mirëpritur dhe i dëshiruar” kujton aktori Lami në një prononcim për emisionin “Sot Live në Shqipëri” në Report Tv.
Mirush Kabashi ishte jo vetëm një aktor i shkëlqyer por dhe një njeri me vlera, me emrin e bukur që jepte vetëm pozitivet.
Bujar Asqeriu kujton dhe një moment me Mirush Kabashin.
“Kemi qenë në Vlorë ishte bashkë me të shoqen. Nuk më pëlqeu portreti i tij por ai nuk e dha asnjëherë veten.
“Si je a je mirë me shëndet” e pyeta
“Mirë jam mirë. Asnjëherë nuk u ankua. Gjithmonë buzagaz. Çudi e madhe, sepse të gjithë thonë më dhemb kjo apo jo.. po jo … Ai kurrë”
Bujar Asqeriu ende nuk e beson se Mirush Kabashi është ndarë nga kjo botë.
“Donte vetëm të notonte. Ti jepje det, lum, liqen! Më vjen çudi si u shkëput nga jeta në moshë të tillë. Trupi i tij ishte gati prej një atleti, kujton Asqeriu për emisionin "Sot Live në Shqipëri' në Report Tv.
Lajme të tjera
-
Katër muaj pas vdekjes së tij, e bija e Mirush Kabashit rrëfen pse s’e plotësoi dëshirën e aktorit për emrin e djalit
23 Prill, 12:54 -
Aktori Mirush Kabashi ‘Qytetar Nderi’ i Durrësit pas vdekjes! E bija, Mendi Kabashi: Është i vonuar, do doja ta merrte sa ishte gjallë!
18 Prill, 16:33
-
Aktorit Mirush Kabashi i jepet titulli 'Qytetar Nderi' i Durrësit (Foto)
17 Prill, 19:32 -
'Mirushi e deshi jetën e skenën deri në fund!' Vajza e Kabashit për Report Tv: Do na mungojë të gjithëve! Babai im i pakompromis, la pas pasuri të madhe
6 Dhjetor 2023, 12:14 -
Homazhet për ‘Mjeshtrin e Madh’/ Artistët të gjithë bashkë për Mirush Kabashin, e bija rrëfen aktorin: E deshi shumë jetën dhe publikun
6 Dhjetor 2023, 08:57
-
“Si i ekzekutuam dhe i groposëm Skënder Çelën dhe Mark Toçin…” - Dëshmia rrëqethëse e gjeneralit të njohur, për dajën e Mirush Kabashit
5 Dhjetor 2023, 20:05 -
‘Një Mirush nuk i vjen më Teatrit!’, aktorja Tinka Kurti përlotet në ‘Frontline Interview’: Disa herë më thoshte mos rri vetëm, hajde të shtëpia ime
5 Dhjetor 2023, 18:56 -
Nis festivali ‘Hapat’, Gjergj Prevazi e regjisorët nderojnë Mirush Kabashin! 2 shfaqje në ditë, të dielën vlerësohen projektet më të mira
5 Dhjetor 2023, 17:15 -
‘Ishte vetë arti’, Margarita Xhepa rrëfen takimin e fundit me Mirush Kabashin: Më buzëqeshi dhe më tha se do bënim film tjetër
5 Dhjetor 2023, 12:22 -
Kur Enver Hoxha përkulej para talentit të Robert Ndrenikës dhe Mirush Kabashit
5 Dhjetor 2023, 12:02
-
VIDEO/ Jeta e një aktori brilant! Rrëfimi gozhdues i Mirush Kabashit 1 vit më parë në Report Tv! Si shprehej ‘Mjeshtri i Madh’ për karrierën, artin dhe familjen
5 Dhjetor 2023, 08:54 -
Shuhet 'Sokrati' shqiptar, aktori Mirush Kabashi ndërron jetë në moshën 75-vjeçare! 100 role në teatër e 20 në kinematografi
5 Dhjetor 2023, 08:26
