Ka mbërritur në Tiranë misioni i radhës i Fondit Monetar Ndërkombëtar. Zyrtarët e FMN-së kanë parashikuar të zhvillojnë sot një takim me anëtarët e Komisionit parlamentar të Ekonomisë dhe Financave, të cilët po diskutojnë ditët e fundit për dy draftet e mësipërme.
Mësohet se në fokus të takimit do të jetë pikërisht diskutimi për politikat fiskale dhe ato ekonomike të qeverisë, të materializuara në buxhetin 2019. Pjesë e axhendës së diskutimeve do të jenë edhe takime me ministrin e Financave, Arben Ahmetaj, guvernatorin Gent Sejko dhe takime në nivel teknik.
FMN pritet të diskutojë me autoritetet shqiptare edhe për projektet e Partneritetit Publik Privat, për të cilat ka kërkuar edhe më herët që të jenë transparente.
Misioni I FMN-së ndodhet në Tiranë në kuadër të bashkëpunimit të ri me qeverinë shqiptare, të ashtuquajtur “Monitorim pas Programit”, i cili kërkon shqyrtime dy herë në vit të zhvillimeve makroekonomike, rreziqeve dhe politikave.
Marrëveshja trevjeçare e zgjeruar e mekanizimit të Fondit, që i mundësoi qeverisë shqiptare të merrte një hua prej 377.3 milionë euro, përfundoi në shkurt 2017.
Tashmë marrëdhënia mes FMN-së dhe qeverisë bazohet në artikullin 4, ku FMN vazhdon të monitorojë zhvillimet dhe të ofrojë këshilla për qeverinë, por marrëdhënia nuk është më detyruese siç ishte gjatë kohës së marrëveshjes së zgjeruar.
Lajme të tjera
-
FMN kritika për investimet publike që s'kanë lidhje me tërmetin: Nuk janë prioritet, kujdes koncesionet kanë tejkaluar kostot
12 Tetor 2021, 18:30 -
‘100 ditë, 100 arritje’, Rama: 24 vende të BE dhe Ballkanit qëndrojnë pas Shqipërisë sa i përket recesionit ekonomik për shkak të pandemisë
20 Prill 2021, 09:21 -
‘Përplasje’ për borxhin e vitit 2019, KLSH: U rrit me mbi 19 mld lekë! Ministria e Financave: Është ulur me 2%
12 Nëntor 2020, 17:10
-
A do të ndryshojë projektligji i amnistisë fiskale? Report TV zbardh dokumentin me kritika të Shoqatës së Bankave: Saktësoni detyrat e institucioneve
2 Gusht 2020, 12:40
-
Heqja e dy tatimeve, eksperti për Report Tv: Nismë e nxitur, duhet studiuar, nxit informalitetin
2 Korrik 2020, 16:34
-
FMN: Nga COVID-19 dhe tërmeti, ekonomia e Shqipërisë do tkurret me 5% këtë vit! Italia do ketë pasoja më të rënda në Europë
14 Prill 2020, 16:27
