Trupi i ish-presidentit të Serbisë qëndron nën një pemë bli në oborrin e familjes së tij në Pozharevac të Serbisë, por truri i tij sipas të gjitha gjasave ka mbetur në Hagë, shkruan edicioni i BBC-së në gjuhën serbe. Sipas medias britanike këtë e kanë konfirmuar shumë njerëz të cilët kanë folur për këtë çështje korridoreve të tribunalit pas vdekjes së Sllobodan Millosheviçit. “Trupi i është dorëzuar familjes, por truri është i mbyllur në Institutin e Mjekësisë Ligjore të Holandës në Hagë”, thuhet në shkrimin që citon gazeta Express.
Pas vdekjes truri i Milllosheviçit i ishte nënshtruar autopsisë si pjesë e hetimit që ishte kryer nga autoritetet holandeze të Tribunalit të Hagës. Megjithatë për një analizë më të thellë që patologët holandez dëshironin të kryenin, thuhet se e kishin ndalur trurin e Sllobodan Millosheviçit në Institut.
“Mbaj mend se trupi i Millosheviqit në mars të vitit 2006 u kthye në Serbi pa tru”, ka thënë Crhstian Chartier për BBC, që në atë kohë ishte zëdhënës për gjykatën. “Unë nuk e di se çfarë ka ndodhur më pas, nëse truri ose një pjesë e tij i janë kthyer familjes apo kanë mbetur në Institut, apo ndoshta është shkatërruar”, ka shtuar ndër të tjera Chartier.
Edhe Florans Artman i cili ishte zëdhënëse e kryeprokurores së Tribunalit të Hagës, Karala Del Ponte, pohon përafërsisht të njejtën gjë. “Për shkak të ligjeve strikte holandeze për pvrivatësinë, ne nuk kemi qenë në gjendje për të verifikuar nëse kanë mbetur në Hagë vetëm truri apo edhe disa pjesë të tjera të trupit. Një informacion i tillë mund të merret vetëm tek autoritetet holandeze ose ato shtetërore serbe, apo anëtarët e familjes”, ka thënë ajo.
Lidhur me këtë çështje, zëdhënësja e Institutit të Mjekësisë Ligjore në Holandë thotë se “Për fat të keq ne nuk jemi të lejuar të japin informacione për raste të veçanta, përveç me kërkesë të personave juridik të autorizuar”, ka thënë ajo për BBC, transmeton Gazeta Express. "Në përgjithësi, megjithatë, Instituti ka të drejtë të mbajë disa pjesë për hulumtime të mëtejshme, për shembull, për analiza toksikologjike," ka shtuar tutje Jansen.
Sllobodan Millosheviç vdiq nga një sulm në zemër në mëngjesin e 11 marsit të vitit 2006 në Tribunalin e Hagës në Holandë. Ai po gjykohej për krimet makabre të kryera ndaj civilëve shqiptarë gjatë luftës në Kosovë.
Lajme të tjera
-
Shkuarja e një mitingashi
12 Shtator 2023, 20:35
-
Gaddafi i Kosovës
5 Korrik 2023, 18:41
-
Mero Baze: Aleatët e fshehtë të Vladimir Putinit mes nesh
24 Shkurt 2022, 20:16
-
Dënohen me 12 vjet burg nga Gjykata e Hagës ‘Tigrat e Arkanit’
30 Qershor 2021, 17:00 -
(Pa)fuqia e gjykimeve për krimet në Kosovë
14 Janar 2021, 12:59 -
Rrëfimi i Spartak Brahos: Sali Berisha spiun i UDB-së, dy njerëzit e tij të besuar takoheshin fshehurazi me kriminelin serb Arkan në vitin 1999
8 Janar 2021, 16:19
-
Dokumentet/ Sali Berisha nuk votoi 5 rezoluta e deklarata të Kuvendit kundër Millosheviçit dhe pro UÇK-së, u kthye në parlament pas luftës në Kosovë
17 Nëntor 2020, 17:09
-
'Zhdukja e Shekullit'/ Djali i Remzi Hoxhës në 'Repolitix': Berisha urdhëroi rrëmbimin e babait tim! Kishte frikë mos i zbulonte takimin me Millosheviç dhe Arkanin! Edhe sot ka lidhje me serbët
21 Tetor 2020, 18:27 -
Urrejtje me pasoja të mëdha
18 Shkurt 2020, 15:45
