Sipas burimeve të policisë, persona të panjohur kanë hedhur një granatë dore në këndin e lojërave të fëmijëve, i cili gjendet në afërsi të ProCredit Bank në veri të Mitrovicës por nuk ka pasur të lënduar.
Personat e dyshuar janë larguar nga vendi i ngjarjes me shpejtësi, ndërsa nuk dihet identiteti i tyre, as motivet e këtij incidenti. Policia e Kosovës në Mitrovicë ka konfirmuar rastin e shpërthimit.
Zëdhënësi i policisë për rajonin e Mitrovicës, Besim Hoti ka theksuar se një shpërthim ka ndodhur rreth orës 11:00 në një kënd lojërash në afërsi të ProCredit Bank në veri të Mitrovicës. Për fat nuk ka të lënduar, ndërsa dëmet materiale janë të vogla në një ndërtesë, e cila gjendet në afërsi.
Policia në vendin e ngjarjes po heton më tej rastin. Për momenti nuk ka persona të dyshuar lidhur më këtë shpërthim.
(eç/shqiptarja.com)