Mitsotakis dhe kërcënimet pa bukë për shqiptarët

Mitsotakis dhe kërcënimet pa bukë për shqiptarët

Në një fjalim përmbyllës për zgjedhjet në Parlamentin Evropian, kryeministri grek Micotaqis, ka kërcënuar se Shqipëria dhe Maqedonia, rruga për në BE iu kalon nga Athina.

Nuk e di për Maqedoninë sa pi ujë, por për Shqipërinë ka hedhur gjithë arsenalin e tij anakronik duke filluar nga vetot në BE (aq sa e lejojnë), aleanca me Berishën ku zëvendësit e tij shkojnë më takime incognito në Athinë, Ben Ahmetajn bursistin e fondacionit Kokalis që lëshon intervista nga Zvicra, për të kaluar tek Fred Beleri dhe kërcënimet e tij në terren për të bllokuar bashkinë dhe kthyer Himarën në një problem evropian dhe tokë të djegur për shqiptarët.

E megjithatë ajo që nuk kupton politika greke është se i janë ndryshkur armët.

Shqiptarët nuk e shohin më Greqinë si vend punësimi por pushimesh. Nuk e di a do t’i vinte mirë Micotaqis nëse Rama do t’u vinte një taksë, le të themi 200€ atyre shqiptarëve që shkojnë për pushime në Greqi në periudhën e muajve të verës. Do të ishte një shifër që do ta ndiente buxheti i hotelerive greke.

Po ashtu shqiptarët nuk është se mezi po presin të anëtarësohen në BE dhe e dinë që nuk ndodh as sot e as mot. Ata e kanë të qartë që anëtarësimi është bllokuar për shkak të sistemit jofunksional të BE ku shtete si Greqia, Lituania, Hungaria apo Malta, mund të prishin axhendat e Francës, Gjermanisë apo Italisë.

Sikurse të mëdhenjve iu janë mërzitur muhabetet e katundit të ballkanasve apo të gjithfarë xhuxhash ekonomikë që shfrytëzojnë rregullat e solidaritetit që vendosën themeluesit e BE, për punët e tyre mizantropë.

Ndaj e kanë bllokuar anëtarësimet derisa të rregullojë punët brenda oborrit të vet, ku çdo zog pa push bën këndesin. E në ardhtë puna që të anëtarësohet Shqipëria apo Maqedonia, nuk do ta lënë në dorë të vetos greke. Deri atëherë shumë gjëra do ndryshojnë në strukturën dhe vendimmarrjen e BE.

Por Micotaqis nuk ka kuptuar ndryshimin më të madh: Që shqiptarët tashmë po mësyjnë Gjermaninë, Britaninë dhe SHBA, vende me të ardhura shumë herë më të larta, politika integruese dhe mundësi biznesi të pakufi.

Këtë e ka kuptuar Rama i cili përveç përzënies së Ahmetajt, mungesës së vullnetit për të ndryshuar betimin e Belerit (kaq e ka në dorë), po i rrotullon thikën në mish Greqisë duke finalizuar bashkë me Maqedoninë dhe Bullgarinë Korridorin 8, një vepër strategjike e cila nxjerr jashtë funksionit Odhos Egnatia, vepër për të cilën Greqia u zhyt në borxhe dhe ishte një ndër shkaqet e krizës ekonomike greke, rrugë e cila tani mbetet vetëm të lidhë disa fshatra gjysmë të shpopulluara të veriut grek.

Nga gjithë zhvillimet e fundit mbi dhe nën rrogoz, ajo që kupton është se politika greke i ka mbetur ora në shekullin e shkuar dhe vazhdon të mendojë katundarisht në një botë globale; ku SHBA dhe BE po i digjet mjekra me mijëra të vrarë në Ukrainë dhe Izrael, kurse Greqia po nxiton të ndezë cigaren. Aq më keq për të./dritare.net

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 09/06/2024 08:41

    Se dhe Shqipëria në një rrugë paralele po ikën si Greqia, Bullgaria etj, të zhytur në borxhe dhe (pa) të ardhmen pa shqiptarë. Boshatisje.

    Përgjigju
  • Genti: 09/06/2024 00:29

    Cfare shkrim i dobet , si femijet qe grinden per topin. Nuk shikon braktisjen e Shqioerise qe eshte katastrofale , por meremi me braktisjen e veriut te Greqise. Shqiperia shume shpejtdo ket enj eqytet dhe shume por shume fshatra pa neres

    Përgjigju
    • sandri: 09/06/2024 13:54

      meso te shkruash mir shqip injo,,,

    • Non-grata: 09/06/2024 08:46

      Ky shkruan sikur fshatrat në vendin e tij po popullohen.

  • Eri: 09/06/2024 00:23

    Ky qiria thote keshtu se ka mbrapa edhe Bullgarine dhe Rumanine,pervec Qipros. Se bashku poqen votat per ndryshimet e qarqeve minoritare dhe minoriteteve ne Shqiperi ne 2017, qe u votua nga Parlamenti Evropran. Greqia po perdor Rumanine dhe Bullgarine si masha per te nxjerre geshtenjat nga zjarri.

    Përgjigju
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Mitsotakis riformaton qeverinë greke, ja cilat ministri ndryshuan drejtues

Mitsotakis riformaton qeverinë greke, ja cilat ministri ndryshuan drejtues