POP 5

Lajmet më të lexuara të 5 minutave të fundit

Kultura

Mjeda, një histori dashurie
me një grua nga Kodheli

Por Ndre Mjeda ka edhe një histori dashurie me një grua kur ishte në Nënshat. Për këtë histori pata dëgjuar nga mësues shkodranë që shërbenin në Dajç të Zadrimës, në mes të cilëve miku im, Hysen Karagjozi, që e kishte mësuar këtë nga burime të besuara.
Por Ndre Mjeda ka edhe një histori dashurie me një grua kur ishte në Nënshat. Për këtë histori pata dëgjuar nga mësues shkodranë që shërbenin në Dajç të Zadrimës, në mes të cilëve miku im, Hysen Karagjozi, që e kishte mësuar këtë nga burime të besuara. Në atë kohë shërbeja mësues në Barbullush dhe kisha kontakte me bashkëkohës që tregonin për një raport sentimental të Ndre Mjeëds me një grua në Kodhel. Në se kjo është e vërtetë mbetet të pranohet fakti se poeti kishte edhe një profil pak të njohur të poetit, profil  njerëzor. Më vonë mësova se kishte dhe raporte dhe dokumente që provonin këtë histori sentimentale të poetit tonë të madh.

Emzot Jakë Serreqi, sapo u emërua Ipeshkëv i Sapës, filloi fushatën e sulmeve ndaj Ndre Mjedës, që e kishin zanafillen në përplasjet për alfabetin në mes të dy shoqërive “Bashkimi” dhe “Agimi”. Ai shkruan letra konfidenciale në Vatikan, ku sulmon Ndre Mjedën sepse nuk ka bërë betimin gjatë kohës katërvjecare që ka shërbyer në dioqezën e Sapës, si edhe që ai ka një lidhje me një grua nga Kodheli.  Në letrën e tij të 14 dhjetorit 1905, drejtuar në Romë,  Serreqi sulmon Ndre Mjedën që nuk ka bërë betimin për të qenë i lidhur medioqezën e Sapës dhe se nuk i bindet urdhërave të tij. (Arkivi i Prpoganda Fides, Romë, Rubrica 109/v. 1907, fq. 392, Indica-Rubrica, nr. 11, v. 1907, vol. 400, N.S., fl. 486-487. Emzot Jakë Serreqi i shkruan kradinalit të Propagandës, Gottit, Nënshat, më 14 dhjetor 1905). Kurse në letrën e 4 shkurtit 1906, vazhdon sulmet ndaj Ndre Mjedës duke e akuzuar për imoralitet: “Përveç gjithë këtyre, duhet të shtoj se udhëheqja morale e priftit Andrea Mjeda mundet të ketë pikëpamje mjaft të zeza.

Ndërkaq, prej kësaj, sjellja morale pati një fakt, që kur unë gjendesha famullitar i Shkodrës, të them të vërtetën, nuk isha i prirur për ta besuar, duke e quajtur gjë të pamundur. Me hidhërimin tim më të madh, pra tani që gjendesha këtu, më është dashur të vërtetoj se sjellja e tij është skandaloze për praktikën e keqe që mban me një grua të martuar në famullinë e Kodhelit, për të cilin dy vite më parë, ai ishte administrator. Atëhere njoftimet e shekullarëve dhe të priftërinjve të ndryshëm, nuk kanë pasur prova bindëse për këtë praktikë të keqe të priftit Andrea Mjeda me atë grua dhe as për disa atentate imorale drejtuar personave të ndryshëm.” (Arkivi i Prpoganda Fides, Romë, Rubrica 109/v. 1907, fq. 392, Indica-Rubrica, nr. 11, v. 1907, vol. 400, N.S., fl. 489, 490, 491. Emzot Jakë Serreqi I shkruan kradinalit të Propagandës, Gottit, Nënshat, më 4 shkurt 1906).  

Shkrimi u publikua sot (13.10.2013) në gazetën Shqiptarja.com (print)

Redaksia Online
(d.d/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35