Keqmenaxhimi i pasurive natyrore mbetet ende një nga problemet më të mëdha në mjedis.

Këtë konstatim e bëri ministri i Mjedisit, Lefetr Koka gjatë prezantimit të analizës vjetore të punës së inspektimit mjedisor. 

Në lidhje me dëmet shkaktuar në mjedis, drejtoria e inspektoriatit shtetëror të mjedisit ka gjobitur disa persona apo subjekte abuzues me mjedisin, vlera të cilëve përllogaritet në total rreth 142 milion lekë.

Ndërkaq, dhjetëra persona të tjerë po ndiqen për kundravajtje penale si gjuetia apo peshkimi në zona të mbrojtura.

Në fund, ministri ftoi të gjithë shqiptarët të bëhen pjesë e denoncimeve në portalin stopkorrupsionit, të lancuar 2 javë më parë nga qeveria. 

Redaksia online
(f.m/shqiptarja.com)