Gjiganti amerikan i teknologjisë ka shitur 74.8 milionë iPhone në tremujorin e parë, krahasuar me 74.5 milionë, një vit më parë.
Apple ka thënë se të ardhurat për tremujorin e ardhshëm do të jenë midis 50 dhe 53 miliardë dollarë, çfarë do të thotë më pak se 58 miliardë dollarë, të raportuar për periudhën e njëjtë të vitit të kaluar.
Shitjet e iPhoneve përbëjnë 68 përqind të të ardhurave të kompanisë për periudhën e caktuar.
Shefi financiar i Apple, Luca Maestri, ka thënë se kompania është duke vepruar në një mjedis shumë të vështirë makroekonomik. Ai ka fajësuar pjesërisht forcimin e dollarit amerikan për shitjet e ngadalshme.