POP 5

Lajmet më të lexuara të 5 minutave të fundit

Ekonomi

Mjetet nën sekuestër, shiten
“2 lek”, “Jaguar-i” jepet 1 mijë €

Një ankand i lajmëruar për më datë 1 tetor parashikon daljen në shitje publike për 44 automjete dhe motomjete të sekuestruara, që mbahen në Rezervat e Shtetit.
Mjetet nën sekuestër, shiten<br />“2 lek”, “Jaguar-i” jepet 1 mijë €
TIRANE - Kush dëshiron të blejë një makinë të përdorur apo një motoçikletë të tillë, nuk mund të gjejë rast më të mirë se ai, që ofrohet nga institucioni i Rezervave të Shtetit për 44 autovetura e motorrë. Fjala është për mjetet që janë konfiskuar tashmë nga organet shtetërore, si Policia e Shtetit apo Prokuroria dhe shiten për llogari të Buxhetit. Por çmime më të ulta se këto, që janë pasqyruar edhe në listën e riprodhuar në këtë faqe të gazetës, vështirë se do të gjendeshin në ndonjë nga tregjet e makinave të përdorura në të katër anët e vendit.

Kështu, psh, një autoveturë Citroen Xara me kapacitet motorrik 1.900 centimetra kub dhe që përdor karburant të tipit diesel, nxirret në ankand nga shteti me çmimin “dysheme” vetëm 75 mijë lekë ose 536 euro. Po ky çmim është përcaktuar edhe për shitjen e një Volksëageni Passat me të njejtat karakteristika dhe po aq vlerësohet në shitje edhe një makinë Rover 200 me cilindratë 1.600, me benzinë.

Makinat e sekuestruara të tipit BMË vlerësohen për shitje nga 75 mijë deri në 125 mijë lekë të reja, pra në një maksimum prej 893 eurosh. Ndërkohë, çmimi më i lartë është parashikuar për një Jaguar JFA benzine, që më parë ka mbajtur targa të qytetit të Vlorës, prodhim i vitit 1997, me kapacitet 3 mijë centimetra kub motorrik, në vlerën e një milion e gjysmë lekë të vjetra, ose pak më shumë se njëmijë euro.

Krahasuar me çmimet e tregut, këto janë disa herë më të ulta. Ankande të tilla të kujtojnë edhe ato për shitjen e automjeteve të institucioneve, të cilat u blenë kryesisht nga përdoruesit e mëparshëm të tyre, deputetë apo drejtorë, në ankande të papublikuar. Motoçikletat do të shiten nga 100 deri në 250 euro.

Në total, Rezevrat e Shtetit synojnë që nga shitja e 44 mjeteve të arkëtohen rreth 9.200 euro, sa ç’mund të shitet edhe një prej makinave në treg. Ankandi do të kryhet pranë ambjenteve të Drejtorisë Rajonale të Rezervave Materiale të Shtetit Tiranë, Rruga nacionale e Elbasanit, Lundër. Afati i fundit kohor për dorëzimin e kërkesave për pjesëmarrje është 1 tetori, ora 10:00.

Kërkesa për pjesëmarrje, dokumentet dhe informacionet e kërkuara dorëzohen nga kandidatet blerës në kopje fizike, me postë ose dorazi, në vendin e përcaktuar në dokumentet e ankandit.

Lista e automjeteve që dalin në ankand
(Në foto: Lista e automjeteve që dalin në ankand)

Shkrimi u botua sot në gazetën Shqiptarja.com (print) 11.09.2013
 
Redaksia online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça