POP 5

Lajmet më të lexuara të 5 minutave të fundit

Sport

Modric dhe Benzema i japin Realit trofenë e parë sezonal

“Los Blancos” e zhbllokuan ndeshjen në minutën e 38-të dhe për ta dërguar topin në rrjetë mendoi Luka Modric, me një goditje të bukur, që ishte e pakapshme për portierin Simon.

Modric dhe Benzema i japin Realit trofenë e parë sezonal

Reali i Madridit fiton për herë të 12-të në histori Superkupën e Spanjës. “Los Blancos” triumfuan 2-0 ndaj Athletic Bilbaos në finale e zhvilluar në “King Abdullah Sports City” në kryeqytetin e Arabisë Saudite, (Jeddah), në një sfidë të dominuar nga skuadra e drejtuar nga Ancelotti, por që mund të rihapej në fund, nëse veterani Raul Garcia do të shndërronte në gol një 11-metërsh të vërshëllyer pas prekjes së topit me dorë nga Militao 3 minuta para fundit të kohës së rregullt (braziliani u ndëshkua me karton të kuq).

“Los Blancos” e zhbllokuan ndeshjen në minutën e 38-të dhe për ta dërguar topin në rrjetë mendoi Luka Modric, me një goditje të bukur, që ishte e pakapshme për portierin Simon.

Reali ishte i qartë në lojën e tij dhe në të 52-tën dyfishoi epërsinë me Benzemanë, që u tregua i saktë nga pika e bardhë e penalltisë (penalltia u akordua nga sistemi VAR për prekje të topit më dorë nga Yeray Alvarez).

Një shpërqendrim në minutat e fundit për pak e rrezikoi fitoren e “Los Blancos”, por Courtois mori përsipër të bënte heroin, duke pritur me këmbë goditjen e Raul Garcias nga 11 metra largësi. Edhe pse në inferioritet numerik, Reali ia doli të mbrohej mirë në minutat shtesë, duke e merituar plotësisht trofenë e parë sezonal.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi