POP 5

Lajmet më të lexuara të 5 minutave të fundit

Sport

'Moldavia fiton me çdo kusht dhe dy gola', kreu i Federatës moldave 'kërcënon' Shqipërinë: S'kemi rrugë tjetër

Moldavi - Shqipëri do të luhet nesër në datën 17 nëntor në stadiumin “Zimbru” të Chisinaut, duke nisur nga ora 18:00. Kombëtarja shqiptare e futbollit kërkon një pikë për të qenë zyrtarisht në fazën finale të "Gjermani 2024".

'Moldavia fiton me çdo kusht dhe dy gola', kreu i Federatës moldave 'kërcënon' Shqipërinë: S'kemi rrugë tjetër

Leonid Oleinicenco, kreu i futbollit në Moldavi

Moldavi - Shqipëri do të luhet nesër në datën 17 nëntor në stadiumin “Zimbru” të Chisinaut, duke nisur nga ora 18:00. Kombëtarja shqiptare e futbollit kërkon një pikë për të qenë zyrtarisht në fazën finale të "Gjermani 2024", ndërsa "kërcënimet" vijnë nga kreu i Federatës Moldave të Futbollit.

Leonid Oleinicenco, kreu i FMF në një intervistë për RTSH në emisionin "Zona 30" tregon se kjo mund të tingëllojë e çuditshme, por ata duan tri pikë pasi nuk kanë rrugë tjetër dhe janë në garë për një vend në Euro 2024.

"Ne do të fitojmë edhe pse kjo mund të tingëllojë pak e çuditshme për ju. Unë jam i sigurt se do të fitojmë sepse kam shumë besim", tha thënë Leonid Oleinicenco fillimisht.

Më pas ai u ndal edhe te Shqipëria si rivale, duke thënë se tanët janë një ekip i fortë.

"Shqipëria ose më saktë të gjitha ekipet ballkanase luajnë futboll shumë të mirë. Dua të them të njëjtën gjë edhe për Kosovën dhe kjo ka qenë një surprizë e madhe për ne në këto eleminatore. Ju keni një skuadër shumë të fortë dhe në Kombëtaren tuaj merr kuptim fjala grup sepse jeni shumë të bashkuar. Ne presim një ndeshje shumë të vështirë me Shqipërinë. Ju ndoshta keni nevojë vetëm për një pikë por unë e di shumë mirë që Shqipëria do të luajë për të fituar si zakonisht por do të shikojmë se cfarë do të ndodhë", tregoi kreu i futbollit moldav.

Parashikimi? Për Leonid Oleinicenco të tijtë do marrin tri pikë me dy gola.

"Ju thashë, ne do të fitojmë dhe nuk ka rëndësi se si do të fitojmë. Do të fitojmë me 2 gola", tha Leonid Oleinicenco.

Në grupin E kualifikues, Shqipëria me 13 pikë mban vendin e parë, ndjekur nga Çekia me 11-të, Polonia me 10-të, Moldavia me 9-të dhe Ishujt Faroe me vetëm një pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03