POP 5

Lajmet më të lexuara të 5 minutave të fundit

Bota

Moldavia insiston në anëtarësim të plotë në BE

Kryeministrja e Moldavisë, Natalia Gavrilita, mirëpriti lëvizjet për të rritur bashkëpunimin me Bashkimin Evropian, por tha se nisma të tilla nuk mund të zëvendësojnë procesin për anëtarësim në bllok.

Moldavia insiston në anëtarësim të plotë në BE

Kryeministrja e Moldavisë, Natalia Gavrilita

Kryeministrja e Moldavisë, Natalia Gavrilita, mirëpriti lëvizjet për të rritur bashkëpunimin me Bashkimin Evropian, por tha se nisma të tilla nuk mund të zëvendësojnë procesin për anëtarësim në bllok.

Moldavia ka shtyrë përpara përpjekjet për t’iu bashkuar BE-së pasi Rusia nisi pushtimin e Ukrainës, luftë e cila po kërcënon që të përhapet edhe në Moldavi.

“Ne mirëpresim çdo mekanizëm që na sjell më afër njëri-tjetrit, duke përmirësuar bashkëpunimin tonë, për aq kohë sa këto nuk e zëvendësojnë rrugën drejt anëtarësimit”, tha Gavrilita gjatë Forumit Ekonomik Botëror në Davos të Zvicrës.

Më herët gjatë këtij muaji, presidenti i Francës, Emmanuel Macron, sugjeroi se në vend që ofrimit të anëtarësim në bllokun evropian, duhet të krijohet një entitet paralele, ku do të mund të anëtarësoheshin shtetet aspiruese siç janë Ukraina, Gjeorgjia dhe Moldavia. Këtë organizatë ai e quajti “komunitet politik evropian” dhe tha se aty mund të bëhen pjesë të gjitha shtetet demokratike evropiane që ndajnë vlerat thelbësore të bllokut.

Por, Gavrilita tha se vetëm anëtarësimi i plotë në bllok do të mund t’iu ofronte përfitime të plota shteteve aspiruese dhe një vend të qëndrueshëm në një komunitet me vlera të përbashkëta, siç është BE-ja.

"Ne fuqishëm besojmë se anëtarësimi në Bashkimin Evropian është në fakt ajo që shpërndan këtë paqe, stabilitet, prosperitet të bazuar në vlera dhe ne duam të jemi pjesë e botës së lirë dhe të kësaj familjeje të BE-së”, tha ajo./REL

E.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

REPLIKAT/ Shehaj nxjerr dokumentin: Lapaj mori 45 mln lekë të vjetra nga kompania e 'Çapjave' e sekuestruar nga SPAK! Adriatiku: S'jam klerik, do marr lekë dhe nga kriminelët

REPLIKAT/ Shehaj nxjerr dokumentin: Lapaj mori 45 mln lekë të vjetra nga kompania e 'Çapjave' e sekuestruar nga SPAK! Adriatiku: S'jam klerik, do marr lekë dhe nga kriminelët

5 Shkurt, 18:15