Pas deklaratës së ish-ministrit të Bujqësisë Edmond Panariti se peshkarexhat shqiptare nuk janë të pajisura me sistemin “Blue Box”, duke favorizuar trafikun e drogës, Report Tv kontaktoi me peshkatarët në Durrës dhe Besim Troplini nënkryetari i organizatës së menaxhim peshkimit, u shpreh se të gjitha anijet mbi 12 metra janë të pajisur me këtë pajisje sipas ligjit, por problem qëndron tek QNOD, serveri i së cilës ka defekt.

“Blue Box” është një sistem identifikimi dhe monitorimi i anijeve dhe mbi 150 peshkatore me mbi 12 metra janë të pajisura me këtë aparaturë, por problemi qëndron tek QNOD, pasi ju është djegur serveri”, shprehet për Report Tv, Troplini.