Tirane- Vetëm për disa gërvishtje të vogla, një 22 vjeçar është marrë peng nga dy të rinj dhe është dhunuar për një orë brenda në makinë derisa të jepte lekët. Ngjarja për të cilën policia e Tiranës informoi sot se janë arrestuar autorët, ka ndodhur në një rrugicë pranë Kodrës së Priftit në kryeqytet.
Të arrestuar janë Ardit Carës, Arjan Dukaj përkatësisht 18 dhe 35 vjeç.
Nga veprimet hetimore dyshohet se këta 2 shtetas, pas një konflikti të çastit për një përplasje automjetesh, kanë marrë me forcë në automjet shtetasin E. G., 22 vjeç, duke i hequr lirinë atij, si dhe e kanë kanosur për dhënie pasurie’ informoi sot policia e Tiranës.
Shqiptarja.com dhe Report Tv kanë mësuar se dy të rinjtë kanë kërkuar 30 mijë lekë për dëmin që në fakt ishte vetëm gërvishtje e lehtë, ndërkohë që i kishin thyer dhe xhamin e makinës së 22 vjeçarit të identifikuar me inicialet E.G
Pasi e kanë marrë dhe e kanë futur në makinë, kanë ushtruar dhunë derisa i riu u ka dhënë lekët.
Pas denoncimit, dy të rintjë janë arrestuar nga efektivët e komisariatit nr 4.
Ardit Cara, 18 vjeç dhe Arjan Dukaj, 35 vjeç të dy banues në Tiranë, akuzohen për veprat penale "Heqja e paligjshme e lirisë", "Kanosja", "Shkatërrimi i pronës", "Shtrëngimi me anë të kanosjes ose dhunës për dhënie pasurie", kryer në bashkëpunim.
Foto: Arrestimi i njerit prej autorëve të pengmarrjes
Detaje të reja lidhur me pengmarrjen e 22 vjeçarit tek Kodra e Priftit në Tiranë. Automjetet e Ardit Carës, Arjan Dukajt dhe 22-vjeçarit të marrë peng prej tyre janë përplasur në një rrugicë pranë Kodrës së Priftit në Tiranë.
Cara e Dukaj i kanë kërkuar të riut 30 mijë lekë të reja për dëmin e pretenduar të shkaktuar nga makina e tij, por ai nuk ka pranuar të paguaj. Në këtë moment të dy kanë nisur ta dhunojnë duke e qëlluar me shpulla 22-vjeçarin, e kanë futur me makinë dhe nuk pranonin ta lëshonin pa u dhënë lekët.
Burime pranë policisë thonë se i riu është mbajtur për gati një orë në makinë dhe është liruar vetëm pasi u ka dhënë lekët. Dëmet e shkaktuara në makinën e Dukajt e Carës janë gërvishtje të vogla, ndërsa të dy në zënkë e sipër i kanë thyer makinës së 22-vjeçarit xhamin, informon gazetari i shqiptarja.com Sokol Dema.
Lajme të tjera
-
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46
