Mori kohë deri sot për përgjigjjen, Xavi të hënën mund të prezantohet si trajner i Barcelonës

Xavi Hernandes të hënën ka gjasë të prezantohet si trajneri i ri i Barcelonës. Ish-futbollisti i katalansve prej të premtes ka në tryezë ofertën e drejtuesve të Barcelonës më në krye Eric Abidal.

Sipas ‘Sport’ vendimi për të shkarkuar Ernesto Valverde-n është marrë që pas humbjes në Superkupë me Atletico Madrid, por ky nuk ka qenë shkaku i vetëm. Nuk mund të harrohen dy disfatat e tmerrshme në gjysmëfinalet e Champions League.

Xavi të premten ka kërkuar kohë për marrjen e vendimit, pasi kjo do t’i ndryshojë jetën. Padiskutim që dëshira ështe e madhe për t’u rikthyer në klubin ku shkroi historinë si futbollist, por duke parë eksperiencën e pakët frika për dështim është gjithashtu e madhe. Për këtë arsye Xavi e mori kohën për të diskutuar me guan dhe vëllezërit e tij, ndërsa sot është edhe afati kur duhet të kthejë përgjigjje.

Më herët u tha se klubi i Al-Sadd, aty ku aktualisht drejton Xavi, mund të nxirrte pengesa, por kjo hipotezë është hedhur poshtë nga mediat në Qatar.

Ne.k./Shqiptarja.com

TAG:
• barcelona
• Ernesto Valverde
• Xavi Hernandez