Një 35-vjeçar u arrestua nga Policia e Tiranës, pasi kishte dalë me leje nga burgu dhe nuk ishte kthyer më.
L.C 35 vjeç , lindur në Tepelenë dhe banues në Tiranë u lokalizua nga shërbimet e Komisariatit numër 3.
Ai vuante dënimin në burgun e Peqinit, pasi ishte i dënuar me 9 vite burg për veprën penale “Prodhim dhe shitje lëndësh narkotike”. Në datën 9 nëntor 2018 ka marrë leje nga burgu për të shkuar në shtëpi (në Tepelenë) dhe nuk është kthyer në institucion në datën e përcaktuar.
Policia thotë se veprimet e mëtejshme në lidhje me 35-vjeçarin do të kryhen nga Komisariati i Policisë Tepelenë.