POP 5

Lajmet më të lexuara të 5 minutave të fundit

Kronikë

U martua me 14-vjeçaren, lihet në burg dhëndri në Divjakë! Avokati: Vajza e ka gënjyer për moshën, e dinte 17 vjeçe

35-vjeçari nga Divjaka që për 11 muaj kishte bashkëjetuar në mënyrë ilegale me një vajzë 14-vjeçe do të qëndrojë pas hekurave. Vendimi është marrë nga Gjykata e Fierit, ndërsa avokati, tha për Report TV, se i akuzuari pretendoi gjatë seancës për masën e sigurisë, se vajza e kishte gënjyer për moshën

35-vjeçari nga Divjaka, që u arrestua tre ditë më parë për marrëdhënie seksuale me të mitur do të qëndrojnë në burg deri në përfundim të hetimeve. Gjatë seancës për masën e sigurisë në Gjykatën e Fierit, 35-vjecari ka kyçur gojën, pa bërë asnjë koment për lidhjen afro një vjeçare me një vajzë 14-vjeçe. Po kështu ka fshehur fytyrën, gjatë pranisë së kamerave në sallën e gjyqit.  Gjyqtarja Klodiana Kryeziu me kërkesë të prokurores Oliana Gjergjefi vendosi masën e sigurisë arrest me burg.

Ndërsa avokati, Agim Rredhi, i kontaktuar nga Report tv tha se 35-vjeçari në seancën e masës së sigurisë ka pretenduar se lidhja me vajzën e mitur ka qenë normale, janë dashuruar të dy! Sa i përket moshës nuk i ka treguar të vërtetën, por i ka thënë se ishte 17 vjeçe. Më herët janë marrë në pyetje në polici të dy, bashkë me të miturën, dhe kanë dhënë pëlqim për njëri-tjetrin, e më pas janë lënë të lirë.

Prangosja 35-vjeçarit erdhi pas denoncimit të prindërve të vajzës në Janar të këtij viti. E mitura që prej Marsit të 2023-shit ishte larguar nga shtëpia, duke braktisur edhe mësimin. Siç tregoi drejtoresha e shkollës, nxënësja e klasës së 7-të shkonte mirë me mësime, derisa u largua në mënyrë të beftë nga pushimi i gjatë për të mos u kthyer më në shkollë. Prindërit e 35-vjeçarit pretenduan se vajza e mitur kishte shkuar me dëshirë në shtëpinë e tyre, madje kishin bërë dasmë! Ndërsa babai i të miturës e cilësoi “rrëmbim”.

 “E di ai që e rrëmbeu se si e rrëmbeu. I kam thënë disa herë: “Ma lejo vajzën”, “e di unë” ka thënë”. Me vajzën kam folur unë, edhe tek shtëpia ka ardhur. E kam pranuar nga e keqja e vajzës se më ka thënë: “Do vetëflijohem”.- tha i ati në emisionin ‘Pa Gjurmë’.

Burimet thanë se pasi u largua me djalin 21 vite më të madh, vajza nuk ishte ndjerë mirë sepse qëndronte si “e burgosur” dhe nuk frekuentonte shkollën. Kjo ka nxitur edhe më shumë babanë e saj të bëjë denoncim në policinë e Fierit. 35-vjecari u prangos 11 muaj pasi bashkëjetoi ilegalisht me një 14-vjecaren, e cila tashmë është strehuar në një qendër sociale. Kodi i Familjes i ndalon martesat nën moshën 18-vjec, ndaj ‘dhëndri” nga Divjaka përballet me akuzën e marrëdhënieve seksuale me të mitur dhe rrezikon të dënohet nga 7 deri në 15 vite burgim.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/01/2024 01:16

    Kur qenka me kod qe nuk lejohet martesa nen 18 vjec,po punonjesi i gjendjes civile qe legalizoi martesen a nuk duhet te ndiqet penalisht?! ID ose certifikatat e lindjes perpara i kishte,nuk i plasi syte e te shikonte qe vajza ishte 14 vjec,apo ka marre rryshfet qe te legalizonte lidhjen e tyre?!

    Përgjigju
  • Gjergj: 13/01/2024 12:15

    Janè MONSTRA PERVERSE qè nuk njohin as norma shoqèrore, as kulturè kombètare dhe lère pastaj ligj. Ruani fèmijèt dhe mbyllini pèrjetè kèta pederastè province pas hekurave.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

SHBA sanksionojnë individë dhe kompani që mbështesin Milorad Dodikun

SHBA sanksionojnë individë dhe kompani që mbështesin Milorad Dodikun

18 Dhjetor, 17:29