Sot katër kolegë të QSU "Nënë Tereza" janë bërë lajm i ditës. Të akuzuar për "Shpërdorim të detyrës" ndaj tyre është vendosur masa e detyrimit të paraqitjes, së bashku me dy persona të tjerë që, me sa duket, duhet të jenë pronarë ose menaxherë të një klinike mjekësore.
Në disa portale sqarohet se "shpërdorimi i detyrës" konsistonte në orientimin e pacientëve drejt klinikës private dhe në keqpërdorimin e një aparati radioterapie. Në klinikën private dhe në një farmaci pranë saj, me sa duket, ofroheshin edhe medikamente për të cilat është deklaruar se ishin sjellë dhe shiteshin kontrabandë. Ndërkohë në një bisedë midis mjekëve flitet për honorare prej 300 dhe 500 euro.
Çfarë më bën përshtypje në këtë histori?
Së pari, ndonëse mjekët nuk arrestohen më si hajdutë xhepash, sërish identitetet e tyre, emrat e plotë, adresat, ditëlindjet, emrat e prindërve, numrat e kartave të identitetit, etj., publikohen online në shkelje flagrante të privatësisë. Kjo është e papranueshme.
Së dyti, biseda të nxjerra nga konteksti si ajo mbi honorarët e operacioneve duhet të merren me rezerva. Nga një anë, ato mund të jenë pagesa të përfituara nga puna në klinikën private. Nga ana tjetër, ato mund të jenë thjesht shaka kolegësh, ku një prej bashkëbiseduesve duket qartë se "ngacmon" tjetrin për fitimet që sipas tij duhet të ketë në një javë.
Së treti, dhe më kryesorja, këto ndëshkime midis bluzave të bardha nuk bëjnë gjë tjetër veçse tërheqin vëmendjen nga dështimi katastrofik i rilindësve dhe boratëve në shëndetësi dhe sistemin shëndetësor.
Në asnjë specialitet mjeksor nuk shprehet ky dështim më hapur dhe kërkund nuk është ai me përmasa më kriminale, se sa në trajtimin e të sëmurëve onkologjikë. Në mungesë të medikamenteve këta pacientë janë të dënuar me vdekje, sepse me sëmundjen e tyre nuk bëhet shaka.
Personalisht, jam gjendur në një situatë identike në fillim të viteve 2000, kur drejtoja Programin Kombëtar të Luftës Kundër AIDS. Personat e prekur nga AIDS kishin nevojë për medikamente të cilat sapo kishin nisur të qarkullonin në Europë, ndërsa në Shqipëri nuk gjendeshin. Mjekët klinicistë u jepnin receta dhe i ndihmonin të gjenin burime medikamentesh në vende të ndryshme europiane. Sot shumë nga këta pacientë janë ende në jetë, ndërsa pa ato medikamente do të kishin vdekur prej kohësh.
Pavarësisht nga balta që hidhet ndaj mjekëve, qëllimi primar i çdo mjeku, në çdo moment, mbetet shëndeti dhe jeta e pacientit. Nëse një shtet i papërgjegjshëm, hajdut i 500 milionë eurove nëpërmjet koncesioneve mashtruese, i lë pacientët pa aparat radioterapie, pa medikamente për kimioterapi; nëse ky shtet vendos klarinetistët dhe balerinat të drejtojnë sistemin shëndetësor, ç'duhet të bëjnë mjekët?! T'i lënë pacientët të vdesin?!
Jo! Mjekët do t'u shpëtojnë apo do t'u zgjatin jetën, do t'u përmirësojnë cilësinë e saj, të paktën pacientëve që kanë mundësinë financiare të përballojnë vetë ose nëpërmjet të afërmve medikamentet që në mënyrë kriminale shteti ua mohon.
Farmacisti që sjell kontrabandë medikamentet që shteti nuk është në gjendje t'i sigurojë për shkak se hajdutët kërkojnë rryshfet që të lejojnë regjistrimin e tyre, apo se tenderaxhinjtë refuzojnë t'i bëjnë pjesë të skemave të mjekimit, pasi sërish nuk kanë marrë rryshfetin, për mendimin tim nuk është kriminel, por bamirës.
Unë do të kisha sugjeruar madje një zgjidhje ku këto medikamente që blihen nga vetë pacientët, duhet të importohen pa taksa në mënyrë të hapur dhe transparente, në dobi të jetës dhe shëndetit të të sëmurëve.
Përpara se të anatemojnë bluzat e bardha dhe biznesmenët e ndershëm që me një mijë sakrifica mbijetojnë në tregun ku katër oligarkëve u janë falur qindra milionë euro, qytetarët duhet të kujtohen se në cilën derë trokasin dhe në cilin numër telefonojnë kur kanë një hall apo një problem shëndetësor.
Mjekët kanë qënë, janë dhe do të jenë aty në mbrojtje të shëndetit dhe të jetës. Në vend që qytetarët të ndëshkojnë bluzat e bardha me vendosje në shtyllën e turpit, le të ndëshkojnë me votë hajdutët e pareve dhe viteve të jetës së tyre!
Komente
Lajme të tjera
-
Interpelanca/ Shehaj vendos në Kuvend denoncimin e qytetarit në Report Tv për humbjen e djalit tek Onkologjiku! Ministrja Koçiu: Fatkeqësinë e një prindi e përdorni për kredo politike
14 Nëntor, 12:37 -
Tiranë/Kanosi infermierin në QSUT dhe kundërshtoi policët, arrestohet 36-vjeçari
11 Nëntor, 13:54 -
Hetimi për Onkologjikun, Gjykata e Lartë refuzon Apelin! Zv.Drejtoresha dhe specialistja në një dosje
9 Nëntor, 17:39
-
QSUNT binjakëzohet me qendrën spitalore më të madhe izraelite, Koçiu: Gur themeli për përmirësimin e shërbimit onkologjik
4 Nëntor, 12:16 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20 -
Vihet në funksion Brakiterapia në Onkologjik, nis trajtimi për pacientët
30 Tetor, 09:49 -
Skandali tek Onkologjiku, sot në SPAK mjekja Alketa Pere
28 Tetor, 09:57 -
Historia pas aktit ekstrem të nënës së 2 fëmijëve në Durrës
24 Tetor, 13:21
-
Shtohen rastet me zgjebe në vend, mjekët: Çdo ditë kemi pacientë! Dermatologia: Është ngjitëse, familjarët më të rrezikuarit
21 Tetor, 20:36
-
Tiranë/ 8 muaj jashtë funksionit, vihet në punë aparatura e shintigrafisë në QSUT
21 Tetor, 11:28
-
Tiranë/ Familjarët çojnë 13-vjeçarin në gjendje të rëndë në spital, ndërron jetë te QSUT! E gjetën në dhomë, ja çfarë dyshohet (DETAJET)
13 Tetor, 20:20 -
Pas ndërhyrjes kirurgjikale, Rama i kthehet aktivitetit të përditshëm
7 Tetor, 10:18
Bravo Dasho ziuuu
PërgjigjuPse hajdute jane keto? hajduti te vjedh kuleten nuk te mer jeten. Kurse keto te vidhnin dhe ta mernin jeten me torture.
PërgjigjuTani beni disa hetime edhe tek kardiologjia! Pisedheqet nuk i bejn vec tek Onkolugjiku! 2000/2500 euro per nji bypas!!!
PërgjigjuPo ik ore legen, si ske turp
PërgjigjuKeta njerez me bluza te bardha, vetem mjek nuk jane. As profesionist, as njerez vetem kriminel qe bejne pazar me njerezit me fatkeq. Keta kerma qe as mjek sju them dot, Lincojne veten per ne Maldive.
PërgjigjuTi qeke me hajdut se keta. Legen
PërgjigjuJa kush është koka e kësaj,DASHUA ME MBROJTIEN që bënë.Kësaj andej nga anët tona i:- KU TA VË UNË E ÇFARË THUA TI.DASO ZIU BËHU NJERI.
PërgjigjuMe perralla jemi ngopur mjaft,,, hajdutet e tenderave vjedhin para, ndersa kasapet e mjekesis jane me te rrezikshem sepse te grabisin parane e te marrin dhe jeten,provoje shko ne cdo spital te vendit pa futur doren ne xhep nuk ke sherbim te dergojne te privati ku jane te lidhur me perqindje.
PërgjigjuIk ore kokzbathur se te gjith njelloj jeni ju, jo mjek por mostra.
PërgjigjuKy po eshte mjek, me vote thote, tamam si Nongrata dhe Dr Tritan Shehu!!! Po kerkon ndonje vend deputeti me keta soj ne 2025!!!
PërgjigjuO Zot. Ka ngel mjekesia te mbrohet nga Erion Dasho. Pika.
PërgjigjuNe vitet 70 te shekullit te kaluar ne kinemate shqiptare ehte shfaq filmi Italian Mafia me bluza te bardha.Nuk e imagjinonim se kjo mafie do vinte edhe ne Shqiperi.