POP 5

Lajmet më të lexuara të 5 minutave të fundit

Opinion

Mos u shtyni, he ju marrtë e keqja! Ka vend Reçi edhe për ju 'ishat'

...Kapja juaj do durim, sepse jeni të rrezikshëm e të pandalshëm…për të bërë dëme. Pra mos u mërzitni për radhën, pas cironkave, ngjalave dhe peshqëve të mëdhenj, është radha e grabitqarëve… peshk dhe qen!

Mos u shtyni, he ju marrtë e keqja! Ka vend Reçi edhe për ju 'ishat'

Opozita gjatë një proteste në Tiranë

Aksionet e Policisë së Shtetit në luftë me krimin dhe kriminelët, me ngjyrë pa ngjyrë, të lyrë e përlyrë, e kanë mërzitur shumë grupin e dashnorëve të drejtësisë, ligjit dhe shtetit antikrim. Jo për ndonjë gjë, por nuk u shkonte kurrë mendja, se policia dhe prokuroria do t’i nënvlerësonte kaq shumë, duke mos i klasifikuar në llojin e tyre: cironka, sardele, krap apo balenë!

Ndaj, ka plasur një debat i paprecedentë për llojin e peshkut, që po kapet nga rrjeta e sapo hapur, “Forca e ligjit”. Me fytyra të nxira dhe të xhindosura, nxorrën kamat, bajonetat dhe vendosën helmetat, në luftë kundër atyre, që deri dje u ulërisnin dhe u kërkonin që të bënin detyrën: Të luftonin krimin… të mos bashkëpunonin me sojin e tyre, “peshq të mëdhenj grabitqarë”.

Kurrë nuk më shkonte mendja, se do mërziteshin për hiçgjë, sepse nuk është në dorë të rrjetës, por të peshkuesit… që i lanë mbas dore duke mos i identifikuar. Ai zgjedh, se çfarë do gjuaj sot dhe çfarë do gjuaj nesër. Ne na mjafton që ka dalë për gjueti dhe po kënaq urinë tonë me peshkun “qelbës” të drejtësisë…!

Kurse, përsa i përket vlerësimit që i bëni peshkut, jeni të gabuar… askush nuk ua ha hakën! Ju jeni piranja, që keni ngrënë peshq të vegjël dhe të mëdhenj, njerëz për së gjalli, e ua keni bluar kockat, “hekurishtet” dhe letrat me vlerë.

Kështu që, kapja juaj do durim, sepse jeni të rrezikshëm e të pandalshëm…për të bërë dëme. Pra mos u mërzitni për radhën, pas cironkave, ngjalave dhe peshqëve të mëdhenj, është radha e grabitqarëve… peshk dhe qen!

Radha e peshk-qenit do vijë shumë shpejt, ndaj mos u ngutni e mos u shtyni duke dalë nga reshti juaj i “isha-ve”, sepse edhe për ju… ka vend sa të duash në Reç. Nuk do zhgënjeheni, se si shqiptarë duhet ta keni dëgjuar proverbin: Me borxh pa larë e hakë pa marrë, nuk mund të largohesh nga kjo botë!

Ndaj mos u shtyni, he ju marrtë e keqja, se ka supë e vend Reçi, edhe për ju piranja!/Ekskluzive.al/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 28/10/2018 10:01

    Me pare te fusin ty ne Rec se ata!Kush i fut ne burg keta?

    Përgjigju
  • lomi: 27/10/2018 14:37

    shkrimi me domethenes se ky sbohet

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03