Mosdekretimi i Lleshit, ish-kreu i Kushtetueses kundër presidentit: Tejkaloi kompetencat

Ish-kryetari i Gjykatës Kushtetuese, Fehmi Abdiu, del kundër presidentit Ilir Meta për çështjen e mosdekretimit të gjeneral Sandër Lleshit, i komanduar sot nga kryeministri Edi Rama, si Ministër i Brendshëm.

Në një intervistë për gazetën Panorama, Abdiu thotë se Meta në këtë rast ka tejkaluar kompetencat e tij. Ai thekson se nuk nuk është një interpretim i gabuar kushtetues, pasi sipas tij në një këndvështrim më të gjerë të bën të dyshosh se problemi nuk është sipërfaqësor.

Së pari, sepse me sa duket është një ngjarje që nuk ka ndodhur më parë. Së dyti, sepse ashtu siç është paraqitur dhe njohur nga opinioni publik, informacioni i saktë real dhe i plotë për këtë çështje mungon dhe së treti, sepse precedentët që ekzistojnë për këtë problem janë të ndryshëm. Aspekti kryesor është ai kushtetues. Sipas nenit 98 të Kushtetutës, ministri shkarkohet dhe emërohet nga Presidenti i Republikës me propozimin e Kryeministrit. Qëndrimi që ka mbajtur Presidenti për rastin konkret është në tejkalim të kompetencave të tij. Nëse kjo do të ishte një interpretim i gabuar kushtetues, do ta quaja defektin më të vogël. Parë në një këndvështrim shumë më të gjerë, të bën të dyshosh seriozisht se problemi nuk është kaq sipërfaqësor.

LEXO EDHE:
Babai pensionist i Ilir Metës shtëpi në Gjirin e Lalzit, e bleu me një shifër qesharake në vitin 2023

Fehmi Abdiu, ish-kryetari i Gjykatës Kushtetuese

Gjeneral Sandër Lleshi ka nisur sot zyrtarisht detyrën si ministër i Brendshëm. Cështja ka hapur një debat mes qeverisë dhe Presidencës, pas refuzimit nga Meta. Presidenti u shpreh se nuk ishte i bindur për kandidaturën e Lleshit, dhe kjo sipas tij, ishte arsyeja pse nuk e dekretoi. Por, kryeministri Edi Rama, tha sot nga Kuvendi, se kandidatura e Lleshit, ishte një nga më të mirat, dhe i uroi atij suksese në krye të ministrisë së Brendshme, pas dorëheqjes së pak ditëve më parë nga Fatmir Xhafaj.

TAG:
• gjykata kushtetuese
• Ilir Meta
• ministria e brendshme
• dekretimi i sander lleshit
• fehmi abdiu