POP 5

Lajmet më të lexuara të 5 minutave të fundit

Bota

Mosmarrëveshja me Sllovakinë, Zelensky: Po hapin front të dytë energjitik kundër Ukrainës! Fico: Nëse Kievi ndalon gazin, s’e furnizojmë me energji

Thellohet mosmarrëveshja për tranzitin e gazit rus mes Ukrainës dhe Sllovakisë. Kievi zyrtar duket se nuk do ta rinovojë më kontratën me Moskën për kalimin e gazit drejt vendeve Europiane përfshirë Sllovakinë. Ndërsa Sllovakia e kërcënon se nëse marrëveshja s’rinovohet do të ndërpresë furnizimin me energji. Zelensky akuzon kryeministrin sllovak se po ndikohet nga Putin duke hapur një front të dytë energjitik ndaj Kievit.   

Mbarimi i afatit të kontratës në fund të dhjetorit për tranzitin e gazit rus duket se po thellon më tej mosmarrëveshjet mes Ukrainës dhe Sllovakisë. Volodymyr Zelensky akuzon kryeministrin sllovak Robet Fico për hapjen e një "fronti të dytë energjetik" kundër Ukrainës me urdhër të Rusisë, duke sinjalizuar thellimin e një mosmarrëveshjeje për tranzitin e gazit midis dy vendeve.

Ukraina lejon kalimin e gazit natyror rus përmes territorit të saj për në disa vende evropiane, përfshirë Sllovakinë, por pritet ta ndalë rrjedhën kur marrëveshja ekzistuese e tranzitit - e nënshkruar para fillimit të agresionit rus ndaj Ukrainës – të skadojë në fund të vitit.

Kryeministri Fico, i cili vizitoi Presidentin rus Vladimir Putin në Moskë në fillim të kësaj jave, tha se Sllovakia do të konsideronte masa reciproke kundër Ukrainës, si ndalimi i furnizimeve rezervë me energji elektrike nëse Kievi ndalon tranzitin e gazit nga 1 janari.

Sllovakia kërkon që furnizimet me gazin rus nëpërmjet Ukrainës të vazhdojnë, duke thënë se rrugët alternative do të rrisin kostot dhe do të dëmtojnë operacionet e saj të tranzitit, duke bërë që ajo të humbasë 500 milionë euro në tarifa.

Ndërsa Kievi zyrtar thotë se nuk do ta rinovojë më marrëveshjen e re për tranzitin e gazit me Moskën për shkak të luftës së nisur nga Rusia në shkurt 2022.

Ministria e Jashtme e Ukrainës akuzon Ficon se po rreshtohet në anën e Putinit me "kërcënime të pakuptimta" për të ndërprerë importet e energjisë për Ukrainën që aktualisht përbën 19% të importit.

Që nga marrja e detyrës në vitin 2023, Kryeministri sllovak Fico ka qenë një nga kundërshtarët më të hapur të BE-së për ndihmën ushtarake për Ukrainën.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/12/2024 03:59

    Gjithashtu duhet te shtohet qe Fico doli vullnetar per bisedimet e paqes mes Ukraines e Rusise dhe kjo e fundit pranoi me entuziazem.Duket qe ne Evrope po krijohet nje vije proruse e perbere nga Fico-Orban-Vucic.Ukraina duhet te kete kujdes me keta te tre,jane te pabesueshem.

    Përgjigju
  • Cifuti: 28/12/2024 20:43

    Ketij cifutit i ka hipur vetja ne qejf mendon se duke ber shantazhe dhe akuza te rreme kundra shteteve do behet si deshiron ai . Nga njera ane do energji nga Sllovakia kurse nga ana tjeter nuk do qe ata te furnizohen me gas , po mire ore komik si do ta prodhojne energjine ata pa gazin qe do ta ndalosh ti ? Ti po e vret ate vend o mbeturine se as president nuk je , te ka skaduar mandati me kohe dhe nuk lejon qe te behen zgjedhje se e di cfare fundi do te besh

    Përgjigju
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze