Në veri të vendit reshjet janë ndërprerë dhe uji ka nisur të tërhiqet, por dëmet materiale tek familjet që u prekën nga përmbytjet në Lezhë dhe Shkodër janë të mëdha pasi vijojnë të jenë 3480 ha tokë e përmbytur.
Qarku i Shkodrës - 1130 ha tokë e përmbytur. Rruga e Obotit kalohet vetëm me mjetet e ushtrisë. Aktualisht janë 7 familje të evakuuara, gjithsej 24 persona që akomodohen në konvikte. Po ashtu raportohet për gërryerje e tokave bujqësore në bregun e lumit Drin në vendin e quajtur Mali i Vukatanit, në një gjatësi prej 800 ml.
Qarku i Lezhës - 2350 ha tokë e përmbytur. Prezencë uji në 4 banesa. E pakalueshme rruga që lidh fshatin Torovicë me Malecaj. E pakalueshme edhe rruga që lidh fshatin Blinisht-Superstradë (Lezhë-Shkodër). Po në këtë qark, në fshatin ‘Rraja e Zezë’ të Mirditës ka rrëshqitje toke dhe një banesë 2 katëshe rrezikon shembjen.
Megjithë rrugën e mbuluar me ujë, zjarrëfikësit mundën të izolonin flakët e zjarrit në banesën e katit të parë të një pallati në Torovicë të Lezhës tek ish kampi i të burgosurve. Dëmet materiale ishin të mëdha, por fatmirësisht jo në njerëz. Ashtu edhe flakët shkaku i të cilave mbetet i panjohur, nuk u përhapën në shtëpitë e tjera. Në shkollën 9 vjecare ‘Nën Tereza’ në qytet, nxënësit kapen pas kangjellave pasi rruga është mbushur me ujë.
Punonjësit e OSHEE po punojnë për të rikthyer energjinë, pas shkëputjes si pasojë emotit të keq në disa zona të Gjirokastrës, Shkodrës dhe Kukësit. Në qarqet e tjera nuk ka probleme.
Foto ilustruese
Shkolla 9-vjeçare “Nënë Tereza” në Lezhë është e rrethuat nga uji, pas reshjeve intensive të shiut. Kjo situate vijon prej disa ditësh dhe nxënësit janë të detyruar ta kalojnë rrugën duke u kapur pas kangjellave të shkollës, duke rrezikuar jetën. Në një mënyrë aspak normale ata kanë vijuar procesin mësimor por kësaj radhe në një shkollë ku oborri është i mbushur me ujë.
Një banesë në katin e parë te një pallati ish-kampi i te burgosurve në Torovicë të Lezhës është përfshirë nga flakët. Nga zjarri, fatmirësisht nuk pati persona të lënduar, por vetëm dëme materiale. Zjarrfikësve ju desh të kalonin rrugën e cila është e përmbytur për të shkuar në vendin e ngjarjes. Ndërhyrja e tyre bëri që flakët të mos përhapen në banesa të tjera, ndërsa ende nuk dihen shkaqet e këtij zjarri.
Si pasojë e reshjeve të shiut, në fshatin ‘Rraja e Zezë’ të Mirditës ka rrëshqitje toke. Një banesë 2 katëshe rrezikon shembjen pasi rrëshqitjet i janë afruar themelit të shtëpisë. Familjarët apelojnë për evakuim pasi ndihen të rrezikuar.
Ministria e Mbrojtjes ka sqaruar se si është situata nga reshjet e shiut gjatë orëve të fundit.
Në Bashkinë Shkodër - Sipërfaqe toke me prezencë uji ka mbetur 1130 ha tokë, ndërsa vijon tërheqja. Nuk ka banesa me prani uji. Mbeten ende edhe 7 familje të evakuuara nga 52 që ishin ditën e parë. 24 anëtarët e këtyre familjeve janë strehuar në konvikt. Lumenjtë Drin dhe Buna janë brenda nivelit kritik dhe nuk paraqesin asnjë rrezik.
Në Bashkinë Lezhë - Mbeten 4 banesa me prezencë uji, ndërsa sipërfaqja e përmbytur është 2350 ha. Hidrovoret po punojnë me kapacitet të plotë dhe pandërprerje. Konkretisht Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuotën kritike dhe hidrovori Balldre brenda normave.
Punonjësit e OSHEE po punojnë për të rikthyer energjinë, pas shkëputjes si pasojë emotit të keq në disa zona të Gjirokastrës, Shkodrës dhe Kukësit.
Në qarqet e tjera nuk ka probleme.
Mbështetja humanitare në zonat e prekura nga përmbytjet ka vijuar në bashkitë: Pukë, Vau i Dejës, Lezhë, Shkodër, Malësi e Madhe.
Janë shpërndarë: 150 pako ushqimore në Pukë; 100 pako në Vaun e Dejës; 200 pako në Lezhë.
Në Shkodër 580 pako me detergjentë, 580 pako ushqimore, 15 ton bazë ushqimore
Në Malësi e Madhe 362 pako ushqimore
Prej datës 20 nëntor, kur nisën reshjet intensive janë akativizuar në terren:
710 Forca të Armatosura
605 Forca Zjarrfikëse
454 Forca nga Policia Shtetit
345 Forca Vullnetare
146 Forca të FNSH
Ekipet e Shërbimit Mjekësor
165 mjete të kalueshmërisë së lartë dhe zjarrfikëse
Varka dhe motorbarka
Forcat e Armatosura, nën kooordinimin e Agjencisë së Mbrojtjes Civile mbeten të gatshme të bashkëpunojnë me pushtetin vendor në çdo rast nevoje.
Situata nga moti i keq është përkeqësuar në Lezhë. Ndonëse janë ndërprerë reshjet, janë 2350 ha tokë e përmbytur.
Në fshatin Kakarriq vazhdon të ketë prezencë uji në 4 banesa. Rruga që lidh fshatin Torovicë me fshatin Malecaj, njësia Administrative Balldren, është e pakalueshme për mjetet e vogla.
Ura që lidh fshatin Gjadër me Zojs-Gramsh është e kalueshme dhe për mjetet e vogla.
Rruga që lidh fshatin Blinisht-Superstradë (Lezhë-Shkodër) ka rënie të nivelit të ujit por vazhdon të jetë e pakalueshme si rezultat i prezencës së ujit në trupin e rrugës.
Kemi prezencë të nivelit në trupin e rrugës në fshatin Piraj, e cila është bërë e pakalueshme dhe nga mjetet e vogla.
Lumi Drin është në kuotën +1.30 m nga +2.0 m kuote kritike. Lumi Gjader ka kuota të larta, ndërsa lumi Mat ka rritje të kuotave por të papërfillshme.
Lajme të tjera
-
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28
